సందడే..సందడి

ఉత్సాహంగా పాల్గొన్న క్రీడాకారులు

కళకళలాడిన క్రీడా మైదానాలు

ఏడు క్రీడాంశాల్లో ఎస్‌జీఎఫ్‌ ఎంపికలు

శ్రీకాకుళం స్పోర్ట్స్‌, అక్టోబరు 24 (ఆంధ్రజ్యోతి): నగరంలోని కోడి రామ్మూర్తి స్టేడియం, ఎన్టీఆర్‌ ముసి పల్‌ హైస్కూల్‌, ప్రభుత్వ పురుషుల డిగ్రీ కళాశాలల్లో క్రీడా సందడి నెలకొంది. పలు విభాగాల క్రీడాకారు లతో క్రీడా మైదానాలు కళకళలాడాయి. రాష్ట్రస్థాయి పోటీల తేదీలు దగ్గర పడుతుండడంతో ఆ పోటీల్లో పాల్గొనే క్రీడాకారుల ఎంపికల పోటీలను శనివారం స్కూల్‌గేమ్స్‌ ఫెడరేషన్‌ ఆధ్వర్యంలో ప్రారంభించారు. ఏడు క్రీడాంశాల్లో జిల్లా నుంచి బాలురు, బాలికల జట్ల ఎంపికలు చేపడుతున్నారు. స్టేడియంతో పాటు ఎన్టీఆర్‌ మునిసిపల్‌ హైస్కూల్‌, ప్రభుత్వ పురుషుల డిగ్రీ కళాశాలల్లో ఈ ఎంపికలు నిర్వహిస్తున్నారు. ఒకపక్క ఎండ తీవ్రత ఎక్కువగా ఉన్నా క్రీడాకారులు ఎంతో ఉత్సాహంగా ఈ పోటీల్లో పాల్గొని తమ ప్రతిభ ను కనబరిచారు. స్టేడియంలో అండర్‌-14 బాలురు, బాలికల ఖోఖో, అండర్‌-17, 19 బాల బాలికలకు అథ్లెటిక్స్‌ పోటీలు నిర్వహించారు.

అండర్‌-14, 17, 19 విభాగాల్లో హ్యాండ్‌బాల్‌ పోటీలో ఎంపికలు జరిగాయి. మూడు ఏజ్‌ గ్రూపులకు యోగా ఎంపికలను పూర్తి చేశారు. ప్రభుత్వ పురు షుల డిగ్రీ కళాశాలలో అండర్‌- 17 క్రికెట్‌, అండర్‌-14 వాలీబాల్‌ బాలురు, బాలికల ఎంపికలు జరిగాయి. స్కూల్‌గేమ్స్‌ ఆర్గనైజింగ్‌ కార్యదర్శి సీహెచ్‌ జగదీష్‌ పర్యవేక్షణలో ఈ పోటీలకు జిల్లా వ్యాయామ ఉపాధ్యా య సంఘం ప్రతినిధులు సహకరించారు.