హ్యామ్ రోడ్ల ప్రాజెక్టుకు ప్రత్యేకంగా ఒక పేరు!
ABN , Publish Date - Jun 16 , 2025 | 04:44 AM
హైబ్రిడ్ యాన్యునిటీ మోడ్(హ్యామ్)లో నిర్మించనున్న రోడ్ల ప్రాజెక్టుకు మంచి పేరు పెట్టాలని ఆర్ అండ్బీ అధికారులు యోచిస్తున్నారు.
కసరత్తు చేస్తున్న ఆర్ అండ్ బీ అధికారులు
హైదరాబాద్, జూన్ 15 (ఆంధ్రజ్యోతి): హైబ్రిడ్ యాన్యునిటీ మోడ్(హ్యామ్)లో నిర్మించనున్న రోడ్ల ప్రాజెక్టుకు మంచి పేరు పెట్టాలని ఆర్ అండ్బీ అధికారులు యోచిస్తున్నారు. కర్ణాటకలోనూ అక్కడి ప్రభుత్వం కూడా పలు రహదారులను ఉన్నతీకరించింది. ఈ ప్రాజెక్టుకు ‘కర్ణాటక- స్టేట్ హైవేస్ ఇంప్రూవ్మెంట్ ప్రాజెక్టు(కే-షి్ప)’గా నామకరణం చేసింది. దశలవారీగా అభివృద్ధి చేసిన రోడ్లన్నింటికీ కే-షిప్-1, కే-షిప్-2 పేరుతో పనులు చేపట్టగా, ఇప్పటికే కొన్ని పనులు పూర్తయ్యాయి.
అలాగే, ఇటీవల తెలంగాణలో జరిగిన మిస్వరల్డ్- 2025 పోటీలకు ‘‘తెలంగాణ జరూర్ ఆనా’’ క్యాప్షన్ జోడిండంతో ప్రపంచవ్యాప్తంగా గుర్తింపు లభించింది. అదే తరహాలో హ్యామ్ రోడ్ల ప్రాజెక్టుకూ ఒక పేరు పెట్టాలని ఆర్అండ్బీ అధికారులు కసరత్తు చేస్తున్నారు. మొదటి దశ రోడ్లకు టెండర్లు పూర్తయ్యేలోపు ఖరారు చేయాలని యోచిస్తున్నారు.
