గద్వాలలో నైపుణ్య శిక్షణ
ABN , Publish Date - Apr 25 , 2025 | 11:05 PM
జిల్లా కేంద్రంలో మౌలిక వసతులు కల్పిస్తే ఉద్యోగ నైపుణ్య శిక్షణ కేంద్రం ఏర్పాటు చేసేందుకు సిద్ధంగా ఉన్నామని టాస్క్ ప్రతినిధుల బృందం కలెక్టర్కు తెలిపారు.
- కలెక్టర్ను కలిసిన ఎమ్మెల్యే, టాస్క్ ప్రతినిధుల బృందం
గద్వాల న్యూటౌన్, ఏప్రిల్ 25(ఆంధ్రజ్యోతి): జిల్లా కేంద్రంలో మౌలిక వసతులు కల్పిస్తే ఉద్యోగ నైపుణ్య శిక్షణ కేంద్రం ఏర్పాటు చేసేందుకు సిద్ధంగా ఉన్నామని టాస్క్ ప్రతినిధుల బృందం కలెక్టర్కు తెలిపారు. జిల్లా కేంద్రంలో యువతీ యువకులకు ఉద్యోగ నైపుణ్య అవకాశాలు పెంపొందించి ఉపాధి కల్పించాలని కోరుతూ ఎమ్మెల్యే బండ్ల కృష్ణమోహన్రెడ్డితోపాటు టాస్క్ ప్రతినిధుల బృందం ఇటీవల రాష్ట్ర ఐటీ శాఖ మంత్రి దుద్దిళ్ల శ్రీధర్బాబును కలిసి విన్నవించారు. మంత్రి సానుకూలంగా స్పందించా రు. ఆయన ఆదేశాల మేరకు శుక్రవారం తెలంగాణ అకాడమిక్ ఫర్ స్కిల్స్ డెవలప్మెంట్ (టాస్క్) సీఈవో శ్రీకాంత్సిన్వా, ప్రతినిధుల బృందం ఎమ్మెల్యే బండ్ల కృష్ణమోహన్రెడ్డిని ఆ యన నివాసంలో కలిశారు. అనంతరం కలెక్టర్ బీఎం సంతోష్ను కలిశారు. అయితే త్వరలోనే మౌలిక వసతులు కల్పిస్తామని కలెక్టర్, ఎమ్మె ల్యే వారికి హామీ ఇచ్చారు. కార్యక్రమంలో మా జీ ఎంపీపీ విజయ్, జిల్లా ప్రవేట్ పాఠశాలల అసోసియేషన్ అధ్యక్షుడు బాబునాయుడు, నాయకులు ఉన్నారు.
