NIMS Hospital: నిమ్స్‌లో చిన్నారులకు ఉచిత గుండె ఆపరేషన్లు

• నేటి నుంచి 21 వరకు బ్రిటన్‌ వైద్యులచే నిర్వహణ

నిమ్స్‌, ఆగస్టు 31 (ఆంధ్రజ్యోతి): పుట్టుకతోనే గుండె సంబంధ వ్యాధులతో బాధపడుతున్న చిన్న పిల్లలకు బ్రిటన్‌ వైద్యులచే నిమ్స్‌ ఆసుపత్రిలో ఉచితంగా గుండె ఆపరేషన్లు నిర్వహిస్తున్నట్టు నిమ్స్‌ డైరెక్టర్‌ ప్రొఫెసర్‌ నగరి బీరప్ప తెలిపారు. సెప్టెంబరు 1 నుంచి 21 వరకు నిర్వహించే ఈ శిబిరంలో చిన్నారులను పరీక్షిస్తారు. వ్యాధి నిర్ధారణ అనంతరం అవసరమైన వారికి శస్త్రచికిత్సలు చేస్తారు. ఈ చికిత్సలకు అయ్యే ఖర్చును ఆరోగ్యశ్రీ, సీఎం సహాయ నిధి (సీఎంఆర్‌ఎఫ్‌) ద్వారా రాష్ట్ర ప్రభుత్వం భరిస్తుంది.

నిమ్స్‌ పాత భవనం తొలి అంతస్తు సీటీవీఎస్‌ కార్యాలయంలో డా. అమరేష్‌ రావు, డా. ప్రవీణ్‌, డా. గోపాల్‌లను మంగళ, గురు, శుక్రవారాల్లో ఉదయం 8 నుంచి సాయంత్రం 4 గంటల వరకు చిన్నారుల తల్లిదండ్రులు సంప్రదించవచ్చని, పేషెంట్ల వారి పూర్వపు రిపోర్టులు, సీటీస్కాన్‌ రిపోర్టులు వారి వెంట తీసుకురావాలని బీరప్ప ఆదివారం ఒక ప్రకటనలో సూచించారు.