IPL 2025 SRH vs LSG: లఖ్నవూ ప్లే ఆఫ్స్ ఆశలు గల్లంతు.. ఎట్టకేలకు సన్రైజర్స్ హైదరాబాద్కు విజయం
ABN , Publish Date - May 19 , 2025 | 11:29 PM
ప్లే ఆఫ్స్ ఆశలను సజీవంగా ఉంచుకోవాలంటే గెలవాల్సిన మ్యాచ్లో లఖ్నవూ సూపర్ జెయింట్స్ పరాజయం పాలైంది. ప్లే ఆఫ్స్ రేసు నుంచి దాదాపు నిష్క్రమించింది. వరుస పరాజయాలతో సతమతమవుతున్న సన్రైజర్స్ హైదరాబాద్ ఎట్టకేలకు ఓ విజయాన్ని తన ఖాతాలో వేసుకుంది.
ప్లే ఆఫ్స్ ఆశలను సజీవంగా ఉంచుకోవాలంటే గెలవాల్సిన మ్యాచ్లో లఖ్నవూ సూపర్ జెయింట్స్ పరాజయం పాలైంది. ప్లే ఆఫ్స్ రేసు నుంచి నిష్క్రమించింది. వరుస పరాజయాలతో సతమతమవుతున్న సన్రైజర్స్ హైదరాబాద్ ఎట్టకేలకు ఓ విజయాన్ని తన ఖాతాలో వేసుకుంది. భారీ స్కోరును కేవలం నాలుగు వికెట్లు మాత్రమే కోల్పోయి ఛేదించింది. లఖ్నవూ ప్లే ఆఫ్స్ ఆశలపై నీళ్లు చల్లింది. లఖ్నవూలోని ఏకనా స్టేడియంలో సన్రైజర్స్ హైదరాబాద్, లఖ్నవూ సూపర్ జెయింట్స్ జట్లు తలపడ్డాయి.
ఈ మ్యాచ్లో టాస్ గెలిచిన సన్రైజర్స్ హైదరాబాద్ టీమ్ మొదట బౌలింగ్ ఎంచుకుంది. దీంతో లఖ్నవూ టీమ్ బ్యాటింగ్కు దిగింది. సన్రైజర్స్ బౌలర్లను సమర్థంగా ఎదుర్కొన్న లఖ్నవూ ఓపెనర్లు మిచెల్ మార్ష్ (65), మార్క్రమ్ (61) బౌండరీల వర్షం కురిపించారు. ఇద్దరూ తొలి వికెట్కు 115 పరుగులు జోడించారు.
మార్ష్ అవుటైన తర్వాత క్రీజులోకి వచ్చిన రిషభ్ పంత్ (7) మరోసారి విఫలమయ్యాడు. ఆ తర్వాత వచ్చిన నికోలస్ పూరన్ (45) మరోసారి కీలక పరుగులు చేశాడు. దీంతో లఖ్నవూ టీమ్ నిర్ణీత 20 ఓవర్లలో 7 వికెట్లు కోల్పోయి 205 పరుగులు చేసింది. సన్రైజర్స్ బౌలర్లలో ఎషాన్ మలింగ రెండు వికెట్లు దక్కించుకున్నాడు. హర్ష్ దూబే, హర్షల్ పటేల్, నితీష్ ఒక్కో వికెట్ తీశారు.
లఖ్నవూ నిర్దేశించిన 206 పరుగుల లక్ష్యాన్ని సన్రైజర్స్ సునాయాసంగా ఛేదించింది. ఓపెనర్ అభిషేక్ శర్మ (59) హాఫ్ సెంచరీ చేసి ఛేజింగ్లో కీలక పాత్ర పోషించాడు. అలాగే ఇషాన్ కిషన్ (35), హెన్రిచ్ క్లాసెన్ (47), కమిందు మెండిస్ (32) కీలక రన్స్ చేశారు. దీంతో సన్రైజర్స్ టీమ్ 18.2 ఓవర్లలో 4 వికెట్లు కోల్పోయి 206 పరుగులు చేసింది. లఖ్నవూ బౌలర్లలో దిగ్వేష్ రాఠీ రెండు వికెట్లు తీశాడు. రోర్క్, శార్దూల్ ఠాకూర్ ఒక్కో వికెట్ పడగట్టారు. ఈ పరాజయంతో ఈ టోర్నీ ప్లే ఆఫ్స్ రేసు నుంచి లఖ్నవూ నిష్క్రమించింది.
మరిన్ని క్రీడా వార్తలు కోసం క్లిక్ చేయండి..
