IPL 2025 DC vs RCB: నెమ్మదిగా ఆడిన ఢిల్లీ.. ఆర్సీబీ టార్గెట్ ఎంతంటే
ABN , Publish Date - Apr 27 , 2025 | 09:22 PM
వరుస విజయాలతో దూసుకుపోతున్న ఢిల్లీ క్యాపిటల్స్ జట్టు స్వంత మైదానంలో తడబడింది. ఢిల్లీలోని అరుణ్ జైట్లీ మైదానంలో ఢిల్లీ క్యాపిటల్స్, రాయల్ ఛాలెంజర్స్ బెంగళూరు జట్ల మధ్య మ్యాచ్ జరుగుతోంది. బౌలింగ్కు అనుకూలిస్తున్న పిచ్పై ఢిల్లీ బ్యాటర్లు ఇబ్బంది పడ్డారు. స్లో పిచ్పై పరుగులు చేయడానికి చెమటోడ్చారు.
వరుస విజయాలతో దూసుకుపోతున్న ఢిల్లీ క్యాపిటల్స్ జట్టు స్వంత మైదానంలో తడబడింది. ఢిల్లీలోని అరుణ్ జైట్లీ మైదానంలో ఢిల్లీ క్యాపిటల్స్, రాయల్ ఛాలెంజర్స్ బెంగళూరు జట్ల మధ్య మ్యాచ్ జరుగుతోంది (DC vs RCB). బౌలింగ్కు అనుకూలిస్తున్న పిచ్పై ఢిల్లీ బ్యాటర్లు ఇబ్బంది పడ్డారు. స్లో పిచ్పై పరుగులు చేయడానికి చెమటోడ్చారు. ఆర్సీబీ బౌలర్లకు లైన్ అండ్ లెంగ్త్కు కట్టుబడి బౌలింగ్ చేయడంతో ఢిల్లీ స్వల్ప స్కోరుకే పరిమితమైంది. నిర్ణీత 20 ఓవర్లలో 8 వికెట్లు కోల్పోయి 162 పరుగులు మాత్రమే చేయగలిగింది (IPL 2025).
టాస్ గెలిచిన ఆర్సీబీ కెప్టెన్ రజత్ పటిదార్ బౌలింగ్ ఎంచుకున్నాడు. కెప్టెన్ నమ్మకాన్ని నిలబెడతూ బెంగళూరు బౌలర్లు చక్కగా బౌలింగ్ చేశారు. ముఖ్యంగా హాజెల్వుడ్, భువనేశ్వర్ కుమార్ అద్భుతంగా బౌలింగ్ చేసి పరుగులు రాకుండా కట్టడి చేశారు. ఢిల్లీ బ్యాటర్లలో కేఎల్ రాహుల్ (41) టాప్ స్కోరర్. ఓపెనర్లు అభిషేక్ పోరెల్ (28), డుప్లెసిస్ (22) మంచి ఆరంభాలను భారీ స్కోర్లుగా మలచలేకపోయారు. చివర్లో స్టబ్స్ (34) కీలక పరుగుల చేశఆడు. దీంతో ఢిల్లీ నిర్ణీత 20 ఓవర్లలో 8 వికెట్లు కోల్పోయి 162 పరుగులు చేసింది.
ఆర్సీబీ బౌలర్లలో భువనేశ్వర్ కుమార్ మూడు వికెట్లు తీశాడు. హాజెల్వుడ్ రెండు వికెట్లు తీశాడు. యశ్ దయాల్, కృనాల్ పాండ్యా ఒక్కో వికెట్ పడగొట్టారు. ఢిల్లీ నిర్దేశించిన 163 పరుగుల లక్ష్యాన్ని ఆర్సీబీ ఎలా ఛేదిస్తుందో చూడాలి. ఈ మైదానంలో మొదటి బ్యాటింగ్తో పోల్చుకుంటే రెండోసారి బ్యాటింగ్ చేయడం కాస్త సులభంగా ఉంటుంది. ప్రస్తుత ఫామ్ను బట్టి చూస్తే ఆర్సీబీ విజయం సాధించడం ఖాయంగా కనిపిస్తోంది.
మరిన్ని క్రీడా వార్తలు కోసం క్లిక్ చేయండి..
