India Versus South Africa Second Test: స్పిన్ పేస్ మిశ్రమం
ABN , Publish Date - Nov 19 , 2025 | 05:21 AM
ఈడెన్ గార్డెన్స్లో స్పిన్ ట్రాక్పై ఎదురైన పరాభవంతో భారత జట్టు రెండో టెస్టుపై ప్రత్యేకంగా దృష్టి సారించింది. దక్షిణాఫ్రికాతో ఈనెల 22 నుంచి గువాహటిలో జరిగే ఈ మ్యాచ్ కోసం స్పిన్తో పాటు పేస్కు అనుకూలంగా...
గువాహటి పిచ్ సిద్ధం
22 నుంచి సఫారీలతో రెండో టెస్టు
కోల్కతా: ఈడెన్ గార్డెన్స్లో స్పిన్ ట్రాక్పై ఎదురైన పరాభవంతో భారత జట్టు రెండో టెస్టుపై ప్రత్యేకంగా దృష్టి సారించింది. దక్షిణాఫ్రికాతో ఈనెల 22 నుంచి గువాహటిలో జరిగే ఈ మ్యాచ్ కోసం స్పిన్తో పాటు పేస్కు అనుకూలంగా ఉండేలా వికెట్ను కోరుకుంటోంది. అక్కడి పిచ్ కూడా ఎర్ర మట్టితో రూపొందించనుండడంతో పేసర్లకు చక్కటి బౌన్స్ లభించే అవకాశం ఉంది. బర్సాపర స్టేడియంలో జరిగే తొలి టెస్టు ఇదే కావడంతో విమర్శలకు తావీయకూడదనే ఆలోచనలో బీసీసీఐ ఉంది. అందుకే బోర్డు హెడ్ క్యురేటర్ ఆశిష్ భౌమిక్ కూడా పిచ్ను పర్యవేక్షిస్తున్నారు. ‘ఇక్కడి పిచ్ను ఎర్రమట్టితో తయారుచేశారు. దీంతో ఇది ఎక్కువ పేస్, బౌన్స్ను అందించే తత్వం కలిగి ఉంటుంది. హోమ్ సీజన్కు ముందే భారత్ తమ డిమాండ్ను స్పష్టంగా చెప్పింది. అయితే అస్థిర బౌన్స్ మాత్రం ఉండకూడదనే క్యురేటర్ ప్రయత్నిస్తున్నాడు’ అని బీసీసీఐ వర్గాలు పేర్కొన్నాయి. తొలి టెస్టు జరిగిన కోల్కతా పిచ్ మొదటి రోజే అదనపు బౌన్స్తో పాటు స్పిన్కు అనుకూలంగా మారిన విషయం తెలిసిందే. దీంతో ఇరు జట్ల బ్యాటర్లకు పరుగులు తీయడం కష్టంగా మారింది.
ప్రాక్టీస్ అలా..
ఈడెన్లో స్పిన్నర్లను దీటుగా ఆడలేక విమర్శల పాలైన భారత బ్యాటర్లు నెట్ సెషన్లో ఆ దిశగా దృష్టి సారించారు. ప్రస్తుతం కోల్కతాలోనే ఉన్న ప్లేయర్లు నెట్ ప్రాక్టీస్ చేశారు. ఇది ఆప్షనల్ కావడంతో కొంతమందే బరిలోకి దిగారు. ముఖ్యంగా సాయి సుదర్శన్తో పాటు ధ్రువ్ జురెల్ సింగిల్ ప్యాడ్ను ధరించి ప్రాక్టీ్సలో పాల్గొన్నారు. ఇది రిస్క్తో కూడుకున్నదైనప్పటికీ ఎడమచేతి బ్యాటర్ సుదర్శన్ సులువుగా ఫ్రంట్ ఫుట్ షాట్ ఆడేందుకు.. కుడి కాలి ప్యాడ్ను తొలగించాడు. ఈ సందర్భంలో డిఫెన్స్ ఆడాలంటే కాలును కాకుండా బ్యాట్ను అడ్డుగా పెట్టాల్సి ఉంటుంది. జట్టులోని లెఫ్ట్ హ్యాండర్లు స్పిన్ను ఎదుర్కొనే క్రమంలో బ్యాక్ ఫుట్ తీసుకుంటూ ఇబ్బంది పడుతున్నారు. అందుకే ముందుకు వచ్చి ఆడేలా సింగిల్ ప్యాడ్తో ప్రాక్టీస్ చేస్తున్నారు. జురెల్ రివర్స్ స్వీప్ షాట్లు ఎక్కువగా ఆడాడు. ఇదిలావుండగా.. సఫారీ ఆఫ్ స్పిన్నర్లు సైమన్ హార్మర్, లెఫ్టామ్ స్పిన్నర్ కేశవ్ మహరాజ్లను దీటుగా ఎదుర్కొనేందుకు స్థానిక స్పిన్నర్ కౌశిక్ మైటీతో బ్యాటర్లు ప్రాక్టీస్ చేశారు. ఎందుకంటే 26 ఏళ్ల కౌశిక్ తన రెండు చేతులనూ ఉపయోగిస్తూ.. లెఫ్ట్ హ్యాండర్లకు ఆఫ్ బ్రేక్, కుడి చేతి బ్యాటర్లకు లెఫ్టామ్ స్పిన్తో బంతులు వేయగల నైపుణ్యం కలిగి ఉన్నాడు.
బ్యాక్పగా నితీశ్
తొలి టెస్టుకు ముందు ఆల్రౌండర్ నితీశ్ కుమార్ను వదిలేసిన బీసీసీఐ తిరిగి గువాహటి మ్యాచ్కు జట్టులో చేర్చింది. కెప్టెన్ గిల్ గాయపడడంతో అతడికి బ్యాక్పగా నితీశ్ను పిలిపించారు. కోల్కతా నుంచి జట్టుతో పాటు వెళ్లనున్న గిల్ ఈ టెస్టు ఆడే విషయమై స్పష్టత లేదు. అందుకే సోమవారం సాయంత్రమే నితీశ్ జట్టులో చేరాడు.
ఇవి కూడా చదవండి:
IND VS BAN Women’s Series: భారత్-బంగ్లాదేశ్ సిరీస్పై కీలక అప్ డేట్
NZ VS WI: న్యూజిలాండ్కు భారీ షాక్.. కీలక ప్లేయర్ ఔట్
మరిన్ని క్రీడా, తెలుగు వార్తల కోసం క్లిక్ చేయండి
