Aiden Markram century: ఐదెన్ మార్క్రమ్ సూపర్ సెంచరీ.. రెండో వన్డేలో సఫారీల అద్భుత పోరాటం..
ABN , Publish Date - Dec 03 , 2025 | 08:13 PM
టీమిండియా నిర్దేశించిన భారీ లక్ష్యాన్ని ఛేదించే క్రమంలో దక్షిణాఫ్రికా బ్యాటర్లు దీటుగా స్పందిస్తున్నారు. ముఖ్యంగా ఓపెనర్ ఐదెన్ మార్క్రమ్ (110) భారత బౌలర్లను ఓ ఆట ఆడుకున్నాడు. 4 సిక్స్లు, 10 ఫోర్లతో సెంచరీ చేసి భారత బౌలర్ల గుండెల్లో గుబులు రేపాడు.
టీమిండియా నిర్దేశించిన భారీ లక్ష్యాన్ని ఛేదించే క్రమంలో దక్షిణాఫ్రికా బ్యాటర్లు దీటుగా స్పందిస్తున్నారు. ముఖ్యంగా ఓపెనర్ ఐదెన్ మార్క్రమ్ (110) భారత బౌలర్లను ఓ ఆట ఆడుకున్నాడు. 4 సిక్స్లు, 10 ఫోర్లతో సెంచరీ చేసి భారత బౌలర్ల గుండెల్లో గుబులు రేపాడు. టాస్ ఓడి మొదట బ్యాటింగ్కు దిగిన టీమిండియా నిర్ణీత 50 ఓవర్లలో 5 వికెట్లు కోల్పోయి 358 పరుగులు చేసింది (Markram super century).
358 పరుగుల విజయ లక్ష్యంతో బరిలోకి దిగిన దక్షిణాఫ్రికా ఆదిలోనే వికెట్ కోల్పోయింది. 8 పరుగుల వ్యక్తిగత స్కోరు వద్ద అర్ష్దీప్ బౌలింగ్లో ఓపెనర్ క్వింటెన్ డికాక్ వెనుదిరిగాడు. ఆ తర్వాత క్రీజులోకి వచ్చిన కెప్టెన్ తెంబా బవుమా (46) మార్క్రమ్తో కలిసి ఇన్నింగ్స్ను నిర్మించాడు. వీరిద్దరూ రెండో వికెట్కు 101 పరుగులు జోడించారు. ఈ జంటను ప్రసిద్ధ్ కృష్ణ విడదీశాడు. బవుమాను అవుడ్ చేశాడు. కాసేపటికే మార్క్రమ్ కూడా వెనుదిరిగాడు. హర్షిత్ రాణా బౌలింగ్లో రుతురాజ్కు క్యాచ్ ఇచ్చి పెవిలియన్ చేరాడు (South Africa vs India 2nd ODI).
ప్రస్తుతం దక్షిణాఫ్రికా 30 ఓవర్లలో 3 వికెట్లు కోల్పోయి 197 పరుగులు చేసింది (IND vs SA highlights). ఈ మ్యాచ్లో గెలవాలంటే దక్షిణాఫ్రికా మిగిలిన 120 బంతుల్లో 162 పరుగులు చేయాలి. కాగా, అంతకు ముందు బ్యాటింగ్ చేసిన టీమిండియా నిర్ణీత 50 ఓవర్లలో 5 వికెట్లు కోల్పోయి 358 పరుగులు చేసింది. రుతురాజ్ గైక్వాడ్ (105), విరాట్ కోహ్లీ (102) అద్భుత శతకాలు సాధించారు. కెప్టెన్ కేఎల్ రాహుల్ (66 నాటౌట్) మరోసారి కీలక హాఫ్ సెంచరీ చేశాడు.
ఇవి కూడా చదవండి:
ఆ వార్తలన్నీ అవాస్తవం.. ఇప్పట్లో స్మృతి పెళ్లి జరగదు!
ఆ ఫార్మాట్లోనూ ఆడే సత్తా ఉంది: తిలక్ వర్మ
