Jeff Bezos: వ్యాపారవేత్తలుగా ఎదగాలనే యువతకు జెఫ్ బెజోస్ సూచన ఇదే
ABN, Publish Date - Oct 07 , 2025 | 11:14 PM
లైఫ్లో ఓ వ్యాపారవేత్తగా ఎదిగేందుకు యువత ఏం చేయాలనేదానిపై ఎందరో అనేక సలహాలు ఇస్తున్నారు. ఈ విషయంలో అమెజాన్ వ్యవస్థాపకుడు జెఫ్ బెజోస్ తన సూచనలు తెలియజేశారు.
1/8
వ్యాపారం, ఉద్యోగానికి సంబంధించి మౌలిక నైపుణ్యాలు నేర్చుకునే అవకాశం ఉన్న సంస్థలో యువత పని చేయాలని జెఫ్ బెజోస్ సూచించారు.
2/8
వినియోగదారులతో టచ్లో ఉండాల్సిన జాబ్స్ చేస్తే బాధ్యత, సమయపాలన, మానవసంబంధాల నిర్వహణకు సంబంధించిన మెళకువలు తెలుస్తాయని జెఫ్ బెజోస్ సూచించారు.
3/8
పటిష్ఠ నిర్మాణం ఉన్న సంస్థల్లో పని చేస్తే పని నిర్వహణ, మేనేజీరియల్ నైపుణ్యాలు యువతకు అలవడతాయని అన్నారు.
4/8
బిల్ గేట్స్, జకర్బర్గ్ లాగా కాలేజీ చదువును మధ్యలో మానేసినా భారీ సంస్థలు నెలకొల్పగలగడం చాలా అరుదుగా మాత్రమే జరుగుతుందని హెచ్చరించారు. చదువును నిర్లక్ష్యం చేయొద్దని సూచించారు.
5/8
త్వరిత గతిన విజయం సాధించాలన్న కోరికను పక్కనపెట్టి నిదానంగా మౌలిక నైపుణ్యాలు నేర్చుకోవాలని ఆయన తెలిపారు.
6/8
అమెజాన్కు ముందు దశాబ్దాం పాటు గడించిన అనుభవమే తనకు సంస్థను తీర్చిదిద్దడంలో ఉపయోగపడిందని అన్నారు.
7/8
ఔత్సాహిక వ్యాపారవేత్తలకు తమ రంగంలో ముందు ప్రాథమిక అనుభవం ఉంటే వ్యాపారంలో మెరుగైన ఫలితాలు వస్తాయని తెలిపారు.
8/8
మంచి కంపెనీల్లో మౌలిక వ్యాపార నైపుణ్యాలు నేర్చుకున్నాక సొంత సంస్థలను ఏర్పాటు చేయాలని జెఫ్ బెజోస్ యువతకు సూచించారు.
Updated at - Oct 07 , 2025 | 11:21 PM
