అరచేతుల్లో దురద ప్రమాదమా

ఒక్కోసారి అరచేతుల్లో విపరీతంగా దురద వస్తూ ఉంటుంది. ఇది కొన్ని అనారోగ్య సమస్యలకు కారణం కావచ్చు అంటున్నారు నిపుణులు.

• ఎగ్జిమా, సొరియాసిస్‌, తామర లాంటి చర్మ వ్యాధుల వల్ల అరచేతుల్లో దురద రావచ్చు. ఇలాంటప్పుడు గట్టిగా గోకడం వల్ల అరచేతుల్లో చర్మం ఎర్రగా మారి పొలుసులుగా రాలుతుంది.

• సబ్బులు, డిటర్జెంట్లు, లోషన్లు సరిపడని కారణంగా అరచేతుల్లో అలెర్జీ ఏర్పడి దురద వస్తూ ఉంటుంది. కొన్ని రకాల లోహాలు, రసాయనాలు, మొక్కలను తాకినా ఈ సమస్య వస్తుంది. ఇది అంత ప్రమాదం కాదు. ఐస్‌ ముక్కతో అరచేతుల్లో రుద్దితే రెండు రోజుల్లో తగ్గిపోతుంది.

• చేతులను తరచూ సబ్బు లేదా హ్యాండ్‌ వాష్‌తో కడుగుతున్నా, శానిటైజర్‌ను ఎక్కువగా వాడుతున్నా అరచేతుల్లో తేమ తగ్గి దురద రావచ్చు. ఇలాంటప్పుడు మాయిశ్చరైజర్‌ కొద్దిగా రాసుకుంటే ఉపశమనంగా ఉంటుంది.

• కాలేయ సమస్యలు, మూత్రపిండాలు సరిగా పనిచేయకపోవడం, థైరాయిడ్‌ కారణంగా అరచేతుల్లో దురద వస్తుంది.

• శరీరంలో తేమ తక్కువైతే చర్మం పొడిబారుతుంది. దీనివల్ల కూడా అరచేతులు దురద పెడుతుంటా యి. ఒత్తిడి, మానసిక ఆందోళన, మధుమేహం, నరాల సమస్యలు కూడా కారణం కావచ్చు.

Read Latest Telangana News and National News