వివేకం కోల్పోతే...

సుభాషితం

ఆకాశంబుననుండి శంభుని శిరం బందుండి శీతాద్రి సు

శ్లోకంబైన హిమాద్రినుండి భువి భూలోకంబునందుండి య

స్తోకాంభోధి బయోధినుండి పవనాంధోలోకముం జేరె గం

గాకూలంకష పెక్కుభంగులు వివేకభ్రష్ట సంపాతముల్‌

భర్తృహరి ‘నీతి శతకం’లోని ‘శిరః శార్వం స్వర్గాత్పశుపతి శిరస్తః క్షితిధరం...’ అనే అనే శ్లోకాన్ని ఏనుగు లక్ష్మణకవి తెలుగువారికి పై పద్య రూపంలో అందించారు.

భావం: స్వర్గ లోకంలో ఉండే గంగానది ఆకాశం నుంచి పరమశివుడి శిరస్సుపైకి ఉరికింది. అక్కడి నుంచి హిమాలయాల మీదకు దూకింది. ఆ తరువాత భూమిపైకి చేరింది. సముద్రంలో కలిసింది. చివరకు పాతాళ లోకానికి జారింది. వివేకాన్ని కోల్పోయినవారి తీరు పలు విధాలుగా ఉంటుంది. వారికి ఇటువంటి ఇక్కట్లు తప్పవు. వారు అధఃపాతాళానికి దిగజారిపోతారు.

మరిన్ని ప్రత్యేక వార్తలు కోసం క్లిక్ చేయండి..