Rainy Season Trip Safety: వర్షాల్లో ట్రిప్కు వెళ్తున్నారా
ABN , Publish Date - Sep 04 , 2025 | 02:55 AM
వర్షాకాలంలో ప్రకృతి చాలా ఆహ్లాదకరంగా ఉంటుంది. అందుకే ప్రకృతిని ఆస్వాదించాలనుకునేవారు ఈ కాలంలో ట్రిప్లు ప్లాన్ చేసుకుంటారు. కానీ పలు జాగ్రత్తలు తీసుకోకపోతే పర్యాటక ప్రాంతాల్లో...
వర్షాకాలంలో ప్రకృతి చాలా ఆహ్లాదకరంగా ఉంటుంది. అందుకే ప్రకృతిని ఆస్వాదించాలనుకునేవారు ఈ కాలంలో ట్రిప్లు ప్లాన్ చేసుకుంటారు. కానీ పలు జాగ్రత్తలు తీసుకోకపోతే పర్యాటక ప్రాంతాల్లో ఇబ్బందులు తప్పవు. కాబట్టి వర్షాకాలం ట్రిప్ల్లో తీసుకోవాల్సిన జాగ్రత్తల గురించి తెలుసుకుందాం...
కొన్నిసార్లు అంచనాలను తారుమారు చేస్తూ వాతావరణం ఎప్పుడు ఎలా మారుతుందో తెలియదు. కాబట్టి గొడుగు, రెయిన్కోట్, వాటర్ప్రూఫ్ జాకెట్ వంటివి తీసుకెళ్లాలి. వాతావరణ పరిస్థితి ఎప్పటికి అప్పుడు తెలుసుకోవాలి.
ఈ కాలంలో దోమలు ఎక్కువగా ఉంటుంటాయి. వాటి వలన మలేరియా, డెంగ్యూ సోకే ప్రమాదముంటుంది. కాబట్టి దోమతెర, మస్కిటో రెపెల్లెంట్ వెంట తీసుకెళ్లడం ఉత్తమం.
వాతావరణ మార్పుల వలన కొందరు త్వరగా అనారోగ్యానికి గురవుతారు. కాబట్టి అత్యవసర మందులతో పాటు ఫస్ట్ ఎయిడ్ కిట్ వెంట తీసుకెళ్లాలి.
వర్షాల కారణంగా నేల బురదగా ఉంటుంది. కాబట్టి చెప్పుల విషయంలో జాగ్రత్త వహించాలి. వాటర్ప్రూఫ్, గ్రిప్ ఉండే చెప్పులు, షూలు ఎంచుకోవాలి.
ఎక్కడికి వెళ్లినా వెంట నీళ్ల సీసా ఉంచుకోవడం మంచిది. అలాగే వేడి చేసి చల్లార్చిన నీటిని తాగడానికి ప్రయత్నించాలి. రోడ్డు పక్కన దొరకే ఆహారాన్ని తినకుండా ఉండేందుకు చూడాలి.
ఫోన్లు, ల్యాప్టాప్, కెమెరా వంటి ఎలకా్ట్రనిక్ గ్యాడ్జెట్లు తడవకుండా వాటర్ఫ్రూప్ కవర్లు, బ్యాగులు తీసుకెళ్లాలి.
మొబైల్ ఫోన్ చార్జింగ్ పెట్టుకునే వెసులుబాటు అన్నిచోట్లా ఉండదు. కాబట్టి పవర్ బ్యాంక్, అడాప్టర్ వంటివి వెంట ఉంచుకోవాలి.
గూగుల్ మ్యాప్ చాలావరకూ ఉపయోగకరంగా ఉంటుంది.. కానీ భారీ వర్షాల్లో గూగుల్ మ్యాప్ మీద ఆధారపడ కూడదు. కాబట్టి పర్యాటక ప్రాంతాల్లో తిరిగేందుకు స్థానిక రవాణాను ఉపయోగించుకోవడం మంచిది.
జలపాతాలు, సముద్రాల దగ్గర జాగ్రత్తగా ఉండాలి. ఎక్కువ లోతుకు వెళ్లకూడదు. ఈ కాలంలో కొండచరియలు విరిగి పడడం, బురద, తేమ వంటి సమస్యలుంటాయి కాబట్టి ట్రెక్కింగ్కు వెళ్లకపోవడం మంచిది. ఒకవేళ వెళ్తే జలగలు, క్రిమికీటకాల నుంచి రక్షణ కోసం ఉప్పు, లైటర్ తీసుకెళ్లాలి.
పర్యాటక ప్రదేశాల్లో అన్నిచోట్లా సిగ్నళ్లు ఉండకపోవచ్చు. కార్డ్లు, యూపీఐ పేమెంట్లు చేసే వెలుసుబాటు ఉండకపోవచ్చు. కాబట్టి చేతిలో డబ్బులు ఉంచుకోవాలి.
ఎక్కడికి వెళ్లాలనుకున్నా ముందుగానే అక్కడ వసతి ఏర్పాట్లు చేసుకోవడం మంచిది.
ఎంత జాగ్రత్తగా, అప్రమత్తంగా ఉన్నా కొన్నిసార్లు అనుకోని ప్రమాదాలు జరగవచ్చు. కాబట్టి ప్రయాణబీమా చేయించుకోవాలి.
ఇవి కూడా చదవండి
బీఆర్ఎస్ పార్టీకి, ఎమ్మెల్సీ పదవికీ కవిత రాజీనామా..
వేరే పార్టీలో చేరికపై క్లారిటీ ఇచ్చిన కల్వకుంట్ల కవిత
