Tips to Make Sofa Cover Clean: సోఫా కవర్‌ కొత్తగా

కాలక్రమేణా సోఫా కవర్‌ మీద దుమ్ము, ధూళి చేరుతూ ఉంటాయి. రకరకాల మరకలు పడుతుంటాయి. తరచూ సోఫా కవర్‌ను ఉతకడం సాధ్యపడకపోవచ్చు. అలాంటప్పుడు చిన్న చిట్కాలు పాటించి సోఫా కవర్‌ను కొత్తగా మెరిసేలా చేయవచ్చు. ఆ వివరాలు...

• సోఫా కవర్‌పై టీ, కాఫీ, జ్యూస్‌ మరకలు పడితే ముందుగా వాటిని పొడిగుడ్డతో తుడవాలి. చిన్న గిన్నెలో ఒక చెంచా లిక్విడ్‌ డిటర్జెంట్‌ లేదా డిష్‌ వాషింగ్‌ లిక్విడ్‌ వేసి కొన్ని నీళ్లు చిలకరించి బాగా కలపాలి. ఈ మిశ్రమంలో పలుచని గుడ్డను ముంచి దానితో మరకల మీద మెల్లగా తుడవాలి. తరువాత తడిగుడ్డతో అద్దితే మరకలు పూర్తిగా పోతాయి.

• జిడ్డు, నూనె, మేకప్‌ మరకలు ఏర్పడితే వాటిమీద కార్న్‌ఫ్లోర్‌, ఫేస్‌ పౌడర్‌, బేకింగ్‌ సోడాలలో ఒకదాన్ని కొద్దిగా చల్లాలి. ఇరవై నిమిషాల తరువాత పాత టూత్‌బ్ర్‌షతో రుద్దితే మరకలు తొలగిపోతాయి.

• సోఫా కవర్‌ మీద ఏవైనా మొండి మరకలు ఏర్పడితే... చిన్న దూది ఉండ మీద రెండు చుక్కల శానిటైజర్‌ లేదా ఆల్కహాల్‌ వేసి దానితో రుద్దితే చాలు. మరకలు మాయమవుతాయి.

• వెడల్పాటి గిన్నెలో ఒక గ్లాసు గోరువెచ్చని నీళ్లు తీసుకోవాలి. అందులో ఒక చెంచా బేకింగ్‌ సోడా, ఒక చెంచా షాంపూ వేసి బాగా కలపాలి. చేతి రుమాలును గుండ్రంగా మడిచి ఆ మిశ్రమంలో ముంచాలి. దానితో సోఫా కవర్‌ను తుడవాలి. తరువాత ఫ్యాన్‌ వేసి గాలికి ఆరనివ్వాలి. ఇలా వారానికి ఒకసారి చేస్తూ ఉంటే మరకలన్నీ పోయి సోఫా కవర్‌ కొత్తగా కనిపిస్తుంది.

ఈ వార్తలు కూడా చదవండి...

కాశీబుగ్గ ఘటనపై పవన్ కల్యాణ్ తీవ్ర దిగ్భ్రాంతి

షాకింగ్ ఘటన... జీహెచ్ఎంసీ పారిశుద్ధ్య కార్మికురాలిపై అత్యాచారం

Read Latest AP News And Telugu News