Durga Navaratri 2025: నేటి అలంకారం శ్రీ దుర్గాదేవి

దుర్గా నవరాత్రులు

నేటి అలంకారం శ్రీ దుర్గాదేవి

ఆశ్వయుజ శుద్ధ అష్టమి (దుర్గాష్టమి) మంగళవారం

శరన్నవరాత్రి మహోత్సవాల్లో నేడు శ్రీ దుర్గాదేవిగా విజయవాడ శ్రీ కనకదుర్గమ్మ దర్శనమిస్తారు. ఈ అవతారంలో అమ్మ దుర్గముడనే రాక్షసుడిని ఈ అష్టమి తిథి రోజునే సంహరించినట్లు పురాణాలు చెబుతున్నాయి. అందుకే ఈ అష్టమిని ‘దుర్గాష్టమి’ అని వ్యవహరిస్తారు. ‘దుర్గే దుర్గతినాశని’... ఈ రోజున అమ్మవారి దర్శనంతో దుర్గతుల నుంచి తప్పించుకోవచ్చనేది భక్తుల ప్రగాఢ విశ్వాసం. పంచ ప్రకృతి మహాస్వరూపాల్లో దుర్గారూపం మొదటిది. భవబంధాలలో చిక్కుకున్న మానవుడిని ఈ మాత అనుగ్రహించి మోక్షాన్ని ప్రసాదిస్తుందనీ, కోటి సూర్యప్రభలతో వెలుగొందే అమ్మను అర్చిస్తే శత్రుబాధలు తొలుగుతాయనీ, సర్వత్రా విజయం ప్రాప్తిస్తుందనీ నమ్మిక. ఆయురారోగ్యాలను ప్రసాదించే దివ్యరూపిణి దుర్గమ్మ దర్శనం సకల శ్రేయోదాయకం.

నైవేద్యం : గారెలు, చిత్రాన్నం

అలంకరించే చీర రంగు : ఎరుపు

వేటితో అర్చించాలి: గులాబీలు, ఎర్రటిపూలు, కుంకుమ,

ఎర్రటి అక్షతలు

పారాయణ: దుర్గా సూక్తం, దుర్గా సప్తశ్లోకి

ఇవి కూడా చదవండి

పాపం ఈ అమ్మాయి.. రోడ్డుపై గుంత ప్రాణం తీసింది..

దేశంలోని విస్కీ అమ్మకాల్లో 58శాతం దక్షిణ భారతంలోనే