Dogs: ఇంట్లో కుక్కలను పెంచడం వల్ల కలిగే ప్రయోజనాలు మీకు తెలుసా..

కొంత మందికి కుక్కలను పెంచడం చాలా ఇష్టం. వాటిని ఇంట్లోని వ్యక్తుల లాగే ట్రీట్ చేస్తారు. వాటికి మంచి ఫుడ్ కూడా అందిస్తారు. అంతేకాకుండా కొంతమంది ఎక్కడికి వెళ్లినా వాటిని తమ వెంట తీసుకెళతారు. అయితే, ఇలా కుక్కలను పెంచడం ద్వారా మీరు అనేక ప్రయోజనాలను పొందవచ్చని మీకు తెలుసా? అవేంటో ఇప్పుడు తెలుసుకుందాం..

ఒత్తిడి, ఆందోళన

భావోద్వేగ మద్దతును అందించడం ద్వారా కుక్క ఒత్తిడి, ఆందోళనను తగ్గించడంలో సహాయపడుతుంది. కుక్కలతో సంభాషించడం వల్ల కార్టిసాల్ స్థాయిలు తగ్గుతాయని, రక్తపోటు తగ్గుతుందని అధ్యయనాలు చెబుతున్నాయి.

మానసిక ఆరోగ్యం

కుక్కలను పెంచడం ద్వారా మానసిక ఆరోగ్యం మెరుగుపడుతుంది. వాటీతో మన భావోద్వేగలను పంచుకోవడం వల్ల మనసు కుదుటపడుతుంది.

సామాజిక సంబంధాలు

మీ కుక్కను నడకకు, ఆటలకు తీసుకెళ్లడం వల్ల కొత్త వ్యక్తులను కలవడానికి, సమాజిక సంబంధాలను పెంచుకోవడానికి అవకాశాలు ఉంటాయి. కుక్కలు కూడా వాటిని ఇష్టపడే వ్యక్తులతో చాలా త్వరగా బంధం ఏర్పరుచుకుంటాయి.

వ్యాయామం

కుక్కలకు క్రమం తప్పకుండా వ్యాయామం అవసరం. కాబట్టి మీరు వాటికి వ్యాయామం చేసినప్పుడు మీరు మీ శరీరానికి కూడా వ్యాయామం చేస్తారు. ఇది గుండె ఆరోగ్యాన్ని మెరుగుపరచడంలో, ఊబకాయాన్ని తగ్గించడంలో సహాయపడుతుంది.

పిల్లల అభివృద్ధి

కుక్కతో పెరగడం వల్ల పిల్లలకు బాధ్యత, సానుభూతి, సామాజిక నైపుణ్యాలు నేర్చుకుంటారు. అందువల్ల ఇది పిల్లల అభివృద్ధికి సహాయపడుతుంది. పిల్లల్లో కరుణ, సనుభూతిని పెంపొందించడంలో సహాయపడుతాయి.

ఒంటరితనం

కుక్కలు మీకు చాలా మంచి ఫ్రెండ్స్‌ గా ఉంటాయి. కాబట్టి, వీటిని పెంచడం వల్ల మీరు ఒంటరితనంగా బాధపడరు. అంతేకాకుండా అవి భద్రత, రక్షణ భావాన్ని కూడా అందిస్తాయి.

గుండె ఆరోగ్యం

కుక్కను కలిగి ఉండటం వల్ల రక్తపోటు, కొలెస్ట్రాల్ స్థాయిలు, బాడీ మాస్ ఇండెక్స్ తగ్గించడం ద్వారా గుండె ఆరోగ్యాన్ని మెరుగుపరచడంలో సహాయపడుతుందని అధ్యయనాలు కనుగొన్నాయి.

అభిజ్ఞా పనితీరు

కుక్కలతో సంభాషించడం వల్ల వృద్దులలో జ్ఞాపకశక్తి, శ్రద్ధ, ప్రాసెసింగ్ వేగం మెరుగుపడటం ద్వారా అభిజ్ఞా పనితీరు మెరుగుపడుతుందని అనేక అధ్యయనాలు చెబుతున్నాయి.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

మటన్ తినడం వల్ల నిజంగా యూరిక్ యాసిడ్ పెరుగుతుందా..

మీకు డయాబెటిస్ ఉందా.. ఈ ప్రత్యేక విషయాలపై జాగ్రత్త వహించండి..