Beauty Tips: రాత్రి పడుకునే ముందు ముఖానికి ఈ జెల్ రాస్తే.. ప్రకాశవంతమైన మెరుపు మీ సొంతం..
ABN , Publish Date - May 06 , 2025 | 12:45 PM
మీ చర్మం నిస్తేజంగా ఉందని, మచ్చలతో నిండి ఉందని బాధపడుతున్నారా? అయితే, రాత్రి పడుకునే ముందు ముఖానికి ఈ జెల్ రాస్తే ప్రకాశవంతమైన మెరుపు మీ సొంతం..
అమ్మాయిలు తాము అందంగా కనిపించాలని అనేక రకాల ప్రయత్నాలు చేస్తారు. మార్కెట్లో దొరికే ప్రాడక్ట్స్ వాడుతుంటారు. అయితే, కొన్నిసార్లు అవి మీ చర్మానికి హాని కలిగించవచ్చు. అలా కాకుండా మీరు నాచ్యురల్గా దొరికే కలబందను రాత్రి పడుకునే ముందు మీ ముఖానికి రాసుకుంటే అది చర్మానికి చాలా ప్రయోజనకరంగా ఉంటుందని నిపుణులు చెబుతున్నారు. కలబందలో విటమిన్లు ఎ, సి, ఇ, యాంటీఆక్సిడెంట్లు, యాంటీ బాక్టీరియల్, యాంటీ ఇన్ఫ్లమేటరీ లక్షణాలు ఉన్నాయి. ఇవి అనేక చర్మ సమస్యలను నయం చేయడంలో సహాయపడతాయి.
కలబంద జెల్ రాసుకోవడం వల్ల కలిగే అద్భుతమైన ప్రయోజనాలు:
మొటిమల నుండి ఉపశమనం: రాత్రి పడుకునే ముందు కలబందను పూయడం వల్ల మొటిమల సమస్య అదుపులో ఉంటుంది. కలబందలో ఉండే యాంటీ బాక్టీరియల్, యాంటీ ఇన్ఫ్లమేటరీ లక్షణాలు మొటిమలను పొగుడుతాయి. అంతేకాకుండా కొత్త మొటిమలు ఏర్పడకుండా నిరోధించడంలో సహాయపడతాయి.
ముఖం రంగును ప్రకాశవంతం చేస్తుంది: రాత్రిపూట దీన్ని క్రమం తప్పకుండా ఉపయోగించడం వల్ల నల్లటి మచ్చలు, సన్ టాన్ తొలగిపోయి చర్మం ప్రకాశవంతంగా మారుతుంది. కలబంద చర్మాన్ని మృదువుగా చేయడానికి సహాయపడుతుంది.
చర్మాన్ని లోతుగా హైడ్రేట్ చేస్తుంది: కలబంద జెల్ను రాత్రంతా ముఖంపై ఉంచడం వల్ల చర్మం మృదువుగా, ప్రకాశవంతంగా మారుతుంది. మీ చర్మం చికాకుగా, దురదగా లేదా వడదెబ్బ తగిలినా, రాత్రి పడుకునే ముందు కలబందను రాయండి. ఇది మీకు ఉపశమనం కలిగిస్తుంది. చర్మపు చికాకును తగ్గిస్తుంది.
ముడతలను తగ్గిస్తుంది: కలబందలో ఉండే విటమిన్ ఇ, యాంటీఆక్సిడెంట్లు వృద్ధాప్య సంకేతాలను తగ్గిస్తాయి. మీ చర్మంపై ముడతలు రావడం ప్రారంభిస్తే దీన్ని క్రమం తప్పకుండా వాడండి.
కలబందను ఎలా ఉపయోగించాలి?
రాత్రి పడుకునే ముందు ముఖాన్ని బాగా కడుక్కోని టవల్తో తుడుచుకోండి. తాజా కలబంద ఆకు నుండి జెల్ తీసి ముఖానికి అప్లై చేసి చేతులతో సున్నితంగా మసాజ్ చేయండి. రాత్రంతా అలాగే ఉంచండి. ఉదయం లేవగానే చల్లటి నీటితో ముఖం కడుక్కోవాలి. చికాకు లేదా దురద సంభవిస్తే వెంటనే కడిగి వాడటం మానేయండి.
Also Read:
Chanakya Niti: మీ డబ్బును పొరపాటున కూడా ఈ ముగ్గురి చేతుల్లో పెట్టకండి.. జీవితాంతం బాధపడతారు..
Bathroom Vastu Tips: బాత్రూంలో ఈ తప్పు చేస్తున్నారా.. దరిద్రం మిమ్మల్ని వెంటాడుతుంది..
Diabetes: డయాబెటిస్ ఉన్నవారు కొబ్బరి నీళ్లు తాగవచ్చా.. నిపుణులు ఏమంటున్నారంటే..
