Today Horoscope: ఈ రాశి వారికి గృహనిర్మాణ సామగ్రి, ఫర్నీచర్‌ రంగాలు ప్రోత్సాహకరంగా ఉంటుంది

నేడు రాశిఫలాలు 22-8-2025 - శుక్రవారం, ఆడిటింగ్‌, ప్రకటనలు, విద్యాసంస్థలు, ఫైనాన్స్‌ కంపెనీల వారు ఆచితూచి వ్యవహరించాలి.

మేషం (మార్చి 21 - ఏప్రిల్‌ 20 మధ్య జన్మించిన వారు)

ఆడిటింగ్‌, ప్రకటనలు, విద్యాసంస్థలు, ఫైనాన్స్‌ కంపెనీల వారు ఆచితూచి వ్యవహరించాలి. చిన్నారుల ఆరోగ్యం కలవరపెడుతుంది. వృత్తి, వ్యాపారాల్లో మీ ప్రతిభకు తగిన గుర్తింపు లభించకపోవడంతో నిరాశకు లోనవుతారు. సన్నిహితుల వైఖరి ఆవేదన కలిగిస్తుంది. దుర్గామాత ఆరాధన శుభ ప్రదం.

వృషభం ( ఏప్రిల్‌ 21 - మే 20 మధ్య జన్మించిన వారు)

గృహనిర్మాణ సామగ్రి, ఫర్నీచర్‌ రంగాల వారికి ప్రోత్సాహకరంగా ఉంటుంది. ప్రియతములను కలుసుకుంటారు. చిన్నారుల వసతి ఏర్పాట్లలో చిక్కులు ఎదురయ్యే అవకాశం ఉంది. విలువైన వస్తువుల కొనుగోలు సమయంలో నాణ్యత గమనించాలి. కుటుంబ సభ్యుల వైఖరి ఆవేదన కలిగిస్తుంది. గోమాత ఆరాధన మేలు చేస్తుంది.

మిథునం (మే 21-జూన్‌ 21 మధ్య జన్మించిన వారు)

ఇల్లు, స్థలం రిజిస్ట్రేషన్ల విషయంలో పొరపాట్లు దొర్లే అవకాశం ఉంది. మార్కెటింగ్‌, రవాణా, బోదన, స్టేషనరీ, ఏజెన్సీ రంగాల వారు లక్ష్యాలు సాధిస్తారు. చర్చలు, ప్రయాణాల్లో జాగ్రత్తలు పాటించాలి. విద్యార్థులు పట్టుదలతో శ్రమిస్తేనే లక్ష్యాలు సాధించగలరు. లలితా దేవి ఆరాధన శుభప్రదం.

కర్కాటకం (జూన్‌ 22 - జూలై 23 మధ్య జన్మించిన వారు)

ఆర్థికపరమైన చర్చలు, ప్రయాణాలు వాయిదా వేయడం మంచిది. ఆర్థిక విషయాల్లో సన్నిహితులు మొహమాటపెట్టే అవకాశం ఉంది. బ్యాంకులతో పనులకు ఆటంకాలు ఎదురవుతాయి. విలువైన పత్రాలు సకాలంలో అందక ఇబ్బంది పడతారు. శ్రీ దుర్గా స్తోత్ర పారాయణ శుభప్రదం.

సింహం (జూలై 24- ఆగస్టు 23 మధ్య జన్మించిన వారు)

ఆర్థిక విషయాల్లో కీలక నిర్ణయాలకు ఈ రోజు అనుకూలం కాదు. పెట్టుబడుల విషయంలో ఆచితూచి వ్యవహరించాలి. షాపింగ్‌ ఆనందం కలిగిస్తుంది. వ్యక్తిగత సౌకర్యాల కోసం ఖర్చు చేస్తారు. సంకల్ప సిద్ధికి అదనంగా శ్రమించాల్సి వస్తుంది. కనకధారా స్తోత్ర పారాయణ శుభప్రదం.

కన్య (ఆగస్టు 24-సెప్టెంబరు 23 మధ్య జన్మించిన వారు)

రాజకీయాలు, సినిమాలు, టెక్స్‌టైల్స్‌, కళల రంగాల వారు ఆర్థిక విషయాల్లో జాగ్రత్తగా వ్యవహరించాలి. ఎగుమతులు, కన్సల్టెన్సీ ర ంగాల వారికి ప్రోత్సాహకరగా ఉంటుంది. లక్ష్య సాధనలో శ్రమాధిక్యం తప్పకపోవచ్చు. దూరప్రయాణాల్లో అసౌకర్యం కలిగే అవకాశం ఉంది. గోమాతను సేవించండి.

తుల (సెప్టెంబరు 24 - అక్టోబరు 23 మధ్య జన్మించిన వారు)

ఆర్థిక విషయాలకు సంబంధించి రహస్య సమాచారం తెలుసుకుంటారు. దీర్ఘకాలిక పెట్టుబడులు లాభిస్తాయి. వ్యాపారస్థులు తొందరపాటు నిర్ణయాల కారణంగా నష్టపోయే అవకాశం ఉంది. విలువైన వస్తువులు కోల్పోయే ప్రమాదం ఉంది. అన్నదానం శుభప్రదం.

వృశ్చికం (అక్టోబరు 24 - నవంబరు 22 మధ్య జన్మించిన వారు)

వ్యాపార రంగంలోని వారికి కొంత ప్రోత్సాహకరంగా ఉంటుంది. ఆర్థిక విషయాల్లో పెద్దల సహకారం లోపించడంతో ఇబ్బంది పడతారు. సమావేశాల్లో గౌరవ మర్యాదలకు భంగం కలిగే అవకాశం ఉంది. ఖర్చులు అంచనాలు మించపోతాయి. దుర్గా అష్టోత్తర శతనామ స్తోత్ర పారాయణ శుభప్రదం.

ధనుస్సు (నవంబరు 23 - డిసెంబరు 21 మధ్య జన్మించిన వారు)

వ్యాపార విషయాల్లో అంచనాలు ఫలించకపోవచ్చు. ప్రింటింగ్‌, టెలివిజన్‌, న్యాయం, బోధన, కన్సల్టెన్సీ, రవాణా, రక్షణ రంగాల వారు జాగ్రత్తలు పాటించాలి. చర్చలు, ప్రయాణాల్లో నిదానం అవసరం. బృందకార్యక్రమాల్లో ఖర్చులు అధికం. లలితాదేవి ఆరాధన శుభప్రదం.

మకరం (డిసెంబరు 22-జనవరి 20 మధ్య జన్మించిన వారు)

ఆర్థిక విషయాల్లో మీ అంచనాలు ఫలించకపోవచ్చు. కష్టంలో ఉన్న బంధుమిత్రులను పరామర్శిస్తారు. విలువైన వస్తువులు సమకూర్చుకుంటారు. పన్నులు, బీమా వ్యవహారాల్లో అనుకోని ఇబ్బందులు ఎదురవుతాయి. పెద్దల ఆరోగ్యం కొంత ఆందోళన కలిగిస్తుంది. దుర్గామాతను ఆరాధించండి.

కుంభం ( జనవరి 21 - ఫిబ్రవరి 19 మధ్య జన్మించిన వారు)

ఆర్థిక లావాదేవీలు, పెట్టుబడుల విషయాల్లో జాగ్రత్తలు పాటించాలి. సన్నిహితులతో ఉల్లాసంగా గడుపుతారు. భాగస్వామి ఆరోగ్యం ఆందోళన కలిగిస్తుంది. కొత్త పరిచయాల వల్ల నష్టపోయే ప్రమాదం ఉంది. పందాలు, పోటీల్లో నిదానం పాటించండి. లక్షీదేవిని ఆరాధించండి.

మీనం (ఫిబ్రవరి 20 - మార్చి 20 మధ్య జన్మించిన వారు)

ఆస్పత్రులు, హోటళ్లు, పరిశ్రమలు, వ్యవసాయ రంగాల వారు ఆర్థిక విషయాల్లో జాగ్రత్తలు తీసుకోవాలి. కొత్త ప్రయోగాలకు తగిన సమయం కాదు. భాగస్వామి ఆరోగ్యం పట్ల శ్రద్ధ చూపుతారు. సమావేశాలు, విందులకు ఖర్చులు అధికం. దుర్గాష్టక పారాయణ శుభప్రదం.

బిజుమళ్ళ బిందుమాధవ శర్మ