Today Horoscope: ఈ రాశి వారికి స్థిరాస్తి వ్యవహారాలు లాభిస్తాయి కుటుంబ సభ్యుల వైఖరిలో మార్పు గమనిస్తారు

నేడు రాశిఫలాలు 10-12-2025 - గురువారం, సహోద్యోగులతో చర్చలు ఫలిస్తాయి, హోటల్‌, వైద్యం, వ్యవసాయం, పరిశ్రమల రంగాల వారికి ప్రోత్సాహకరంగా ఉంటుంది.

మేషం (మార్చి 21 - ఏప్రిల్‌ 20 మధ్య జన్మించిన వారు)

సహోద్యోగులతో చర్చలు ఫలిస్తాయి, హోటల్‌, వైద్యం, వ్యవసాయం, పరిశ్రమల రంగాల వారికి ప్రోత్సాహకరంగా ఉంటుంది. విందు వినోదాలు ఆనందం కలిగిస్తాయి. మధ్యాహ్నం నుంచి ఆరోగ్యం పట్ల శ్రద్ధ చూపించాలి. లక్ష్య సాధనకు ఆటంకాలు ఎదురవుతాయి. దత్తాత్రేయ స్వామి స్తోత్ర పారాయణ శుభప్రదం.

వృషభం ( ఏప్రిల్‌ 21 - మే 20 మధ్య జన్మించిన వారు)

పొదుపు పథకాలు లాభిస్తాయి. చిన్నారులు, ప్రియతముల కోసం విలువైన వస్తువులు కొనుగోలు చేస్తారు. మధ్యాహ్నం నుంచి పెట్టుబడుల విషయంలో జాగ్రత్తలు తీసుకోవాలి. విద్య కోసం అవసరమైన నిధులు సకాలంలో అందకపోవచ్చు. దక్షి;ణామూర్తి స్తోత్ర పారాయణ శుభప్రదం.

మిథునం (మే 21-జూన్‌ 21 మధ్య జన్మించిన వారు)

కుటుంబ సభ్యులతో వేడుకల్లో పాల్గొంటారు. జనసంబంధాలు విస్తరిస్తాయి. రియల్‌ ఎస్టేట్‌, నిర్మాణ రంగాల వారికి ఆర్థికంగా ప్రోత్సాహకరంగా ఉంటుంది. మధ్యాహ్నం నుంచి భాగస్వామి వైఖరి ఆవేదన కలిగిస్తుంది. ఖర్చులు అంచనాలు మించుతాయి. సాయినాధుని ఆరాధించండి.

కర్కాటకం (జూన్‌ 22 - జూలై 23 మధ్య జన్మించిన వారు)

కాంట్రాక్టులు, అగ్రిమెంట్లు లాభిస్తాయి. ఉద్యోగ, వ్యాపారాలకు సంబంధించిన చర్చలు, ప్రయాణాలకు అనుకూలం. సహోద్యోగులతో ఆనందంగా గడుపుతారు. మధ్యాహ్నం నుంచి ఒక సమాచారం కలవరపెడుతుంది. దత్త కవచ పారాయణ శుభప్రదం.

సింహం (జూలై 24 - ఆగస్టు 23 మధ్య జన్మించిన వారు)

పెట్టుబడులు లాభిస్తాయి. చిన్నారులు ప్రియతముల కోసం విలువైన వస్తువులు కొనుగోలు చేస్తారు. టెలివిజన్‌, విద్య, ఆడ్వర్టయిజ్‌మెంట్‌ రంగాల వారికి ఆర్థికంగా ప్రోత్సాహకరంగా ఉంటుంది. మధ్యాహ్నం నుంచి ఆర్థిక విషయాల్లో ఆచితూచి వ్యవహరించాలి. ఖర్చులు అధికం. గోసేవ మేలు చేస్తుంది.

కన్య (ఆగస్టు 24 - సెప్టెంబరు 23 మధ్య జన్మించిన వారు)

స్థిరాస్తి వ్యవహారాలు లాభిస్తాయి. కుటుంబ సభ్యుల వైఖరిలో మార్పు గమనిస్తారు. మీ మనసు మార్పును కోరుకుంటుంది. మధ్యాహ్నం నుంచి బదిలీలు, మార్పులు అసౌకర్యం కలిగిస్తాయి. ఇంటికి అవసరమైన వస్తువుల కొనుగోలులో నాణ్యత గమనించాలి. దక్షిణామూర్తి స్తోత్ర పారాయణ శుభప్రదం.

తుల (సెప్టెంబరు 24 - అక్టోబరు 23 మధ్య జన్మించిన వారు)

ముఖ్యమైన సమాచారం అందుకుంటారు. విద్యాసంస్థలతో పనులు పూర్తవుతాయి. ప్రయాణాలు, చర్చలకు అనుకూలమైన రోజు. మధ్యాహ్నం నుంచి సినీ, రాజకీయ రంగాల వారు అప్రమత్తంగా ఉండాలి. ఉన్నత విద్యా ప్రయత్నాలకు అవరోధాలు కలుగుతాయి. దత్త కవచ పారాయణ శుభప్రదం.

వృశ్చికం (అక్టోబరు 24 - నవంబరు 22 మధ్య జన్మించిన వారు)

పెట్టుబడులపై మంచి ప్రతిఫలాలు అందుకుంటారు. బ్యాంకులు, ఆర్థిక సంస్థలతో పనులు పూర్తవుతాయి. రుణాలు మంజూరవుతాయి. మధ్యాహ్నం నుంచి ఖర్చులు అంచనాలు మించుతాయి. విలువైన వస్తువులు కోల్పోయే ప్రమాదం ఉంది. దక్షిణామూర్తిని ఆరాధించండి.

ధనుస్సు ( నవంబరు 23 - డిసెంబరు 22 మధ్య జన్మించిన వారు)

ఉద్యోగ, వ్యాపారాల్లో కీలక నిర్ణయం తీసుకుంటారు. కొత్త వ్యూహాలు అనుసరించి లక్ష్యాలు సాధిస్తారు. తల్లిదండ్రుల విషయాల్లో శుభపరిణామాలు జరుగుతుతాయి. మధ్యాహ్నం నుంచి కొత్త ఆలోచనల అమలు వాయిదా వేయాలి. దత్తాత్రేయ స్వామి ఆరాధన శుభప్రదం.

మకరం (డిసెంబరు 22-జనవరి 20 మధ్య జన్మించిన వారు)

ఉన్నత విద్య కోసం చేసే ప్రయత్నాలు ఫలిస్తాయి. ప్రయాణాలు, చర్చలకు అనుకూల సమయం. బంధుమిత్రులతో ఆనందం గడుపుతారు. మధ్యాహ్నం నుంచి మనసు చికాకుగా ఉంటుంది. ఏ విషయం మీద దృష్టి కేంద్రీకరించలేకపోతారు. సాయి సచ్చరిత్ర పారాయాణ శుభప్రదం.

కుంభం (జనవరి 21 - ఫిబ్రవరి 19 మధ్య జన్మించిన వారు)

పెట్టుబడులు, పొదుపు పథకాలు లాభిస్తాయి. రుణాలు మంజూరవుతాయి. ఆర్థిక విషయాల్లో లక్ష్య సాధనకు బంధుమిత్రుల సహకారం లభిస్తుంది. మధ్యాహ్నం నుంచి బ్యాంకులు, ఆర్థిక సంస్థలతో పనులకు ఆటంకాలు ఎదురవుతాయి. ద త్తకవచ పారాయణ శుభప్రదం.

మీనం (ఫిబ్రవరి 20 - మార్చి 20 మధ్య జన్మించిన వారు)

వివాహ నిర్ణయాలకు అనుకూలం. జనసంబంధాలు విస్తరిస్తాయి. కీలక పదవులు లభిస్తాయి. బృందకార్యక్రమాల్లో కీలకపాత్ర పోషిస్తారు. మధ్యాహ్నం నుంచి ప్రభుత్వరంగ సంస్థలతో పనులకు ఆటంకాలు ఎదురవుతాయి. సంకల్ప సాధనకు అధికంగా శ్రమించాలి. సాయినాధుని ఆలయాన్ని దర్శించండి.

బిజుమళ్ళ బిందుమాధవ శర్మ