స్టైలిష్‌ యాక్టివ్‌వేర్‌ టెక్నోస్పోర్ట్‌..

స్టైలిష్‌ యాక్టివ్‌వేర్‌ టెక్నోస్పోర్ట్‌.. దక్షిణ భారతదేశంలో తన కార్యకలాపాలను మరింతగా విస్తరించింది. ఇందులో భాగంగా హైదరాబాద్‌ టోలిచౌకిలో ఎక్స్‌క్లూజివ్‌ స్టోర్‌ను ప్రారంభించింది. దక్షిణాదిలో కంపెనీకి ఇది ఏడో స్టోర్‌. ఈ స్టోర్లలో తేలికపాటి జాకెట్స్‌, స్వెట్‌షర్ట్స్‌ సహా ఫిట్‌నెస్‌ చేసే వారి కోసం అత్యుత్తమమైన యాక్టివ్‌వేర్‌ అందుబాటులో ఉండనున్నాయి.

డిసెంబరుతో ముగిసిన త్రైమాసికంలో ఉజ్జీవన్‌ స్మాల్‌ ఫైనాన్స్‌... డిపాజిట్లలో రెండంకెల వృద్ధిని నమోదు చేసింది. ఈ కాలంలో బ్యాంక్‌ మొత్తం డిపాజిట్లు 16 శాతం వృద్ధితో రూ.29,669 కోట్ల నుంచి రూ.34,496 కోట్లకు చేరుకున్నాయి. మైక్రోఫైనాన్స్‌, రిటైల్‌ రుణ విభాగాల రుణ బుక్‌ కూడా 10 శాతం పెరుగుదలతో రూ.30,466 కోట్లకు వృద్ధి చెందాయి.