బజాజ్‌కు అలియాన్జ్‌ గుడ్‌బై

లైఫ్‌, జనరల్‌ ఇన్సూరెన్స్‌ కంపెనీల్లో

అలియాన్జ్‌ వాటాను కొనుగోలు చేయనున్న బజాజ్‌

న్యూఢిల్లీ: దేశీయ ఆర్థిక సేవల రంగానికి చెందిన బజాజ్‌ గ్రూప్‌, జర్మనీ బీమా దిగ్గజం అలియాన్జ్‌ ఎస్‌ఈ తమ 24 ఏళ్ల భాగస్వామ్యానికి ముగింపు పలికాయి. ఇరువర్గాలు కలిసి బజాజ్‌ అలియాన్జ్‌ లైఫ్‌ ఇన్సూరెన్స్‌ కంపెనీ(బీఏఎల్‌ఐసీ), బజాజ్‌ అలియాన్జ్‌ జనరల్‌ ఇన్సూరెన్స్‌ కంపెనీ(బీఏజీఐసీ) పేరిట రెండు బీమా సంస్థలను నిర్వహిస్తున్నాయి. ఈ రెండింటిలో అలియాన్జ్‌ ఎస్‌ఈ కలిగి ఉన్న 26 శాతం చొప్పున వాటాను కొనుగోలు చేసేందుకు ఒప్పందం కుదుర్చుకున్నట్లు బజాజ్‌ గ్రూప్‌ సోమవారం వెల్లడించింది. బీఏఎల్‌ఐసీలోని 26 శాతం వాటాను రూ.10,400 కోట్లకు, బీఏజీఐసీలోని 26 శాతం వాటాను రూ.13,780 కోట్లకు కొనుగోలు చేసేందుకు ఒప్పందం కుదిరిందని తెలిపింది.

అంటే, రెండు కంపెనీల్లోని అలియాన్జ్‌ వాటాలకు బజాజ్‌ మొత్తం రూ.24,180 కోట్లు చెల్లించనుందన్నమాట. ఈ కొనుగోలు పూర్తయిన అనంతరం రెండు కంపెనీల్లో బజాజ్‌ 100 శాతం వాటాదారుగా మారనుంది. బీమా నియంత్రణ మండలి ఐఆర్‌డీఏఐ, కాంపిటీషన్‌ కమిషన్‌ ఆఫ్‌ ఇండియా(సీసీఐ) సహా పలు నియంత్రణ మండళ్ల అనుమతులకు లోబడి ఈ ఒప్పందం పూర్తి కానుంది.

ఇవి కూడా చదవండి:

Call Merging Scam: కొత్త రకం మోసం కాల్ మెర్జింగ్ స్కామ్..అలర్ట్ చేసిన కేంద్రం..

Gold Silver Rates Today: గుడ్ న్యూస్..రెండో రోజు కూడా తగ్గిన బంగారం, వెండి ధరలు..

PM Surya Ghar Muft Bijli Yojana: రూ. 2 లక్షల వరకు పూచీకత్తు లేకుండా లోన్.. అందుకు ఏం చేయాలంటే..

Recharge Offer: నెలకు రూ. 99కే రీఛార్జ్ ప్లాన్.. జియో, ఎయిర్‌టెల్‌కు గట్టి సవాల్

Read More Business News and Latest Telugu News