నడిరోడ్డుపై ముచ్చటైన మాతృత్వం!

యలమంచిలి, డిసెంబరు 23 (ఆంధ్రజ్యోతి): రోజంతా ఎండనకా.. వాన నకా.. తిరుగుతుంది ఆ గోమాత. కాస్తంత మేత, గుక్కెడు నీళ్లకోసం పడే పాట్లు అన్నీ, ఇన్నీ కావు. తనకోసం ఆశగా చూసే తన ముగ్గురి బిడ్డలను చూడగానే ఆమె పడుతున్న కష్టమంతా మంచులా కరిగిపోతుంది. మా మూలుగా ఒక దూడ ఆకలితీర్చడానికే తల్లడిల్లే ఈ రోజుల్లో.. ఇదిగో ఇలా, నడిరోడ్డు మీదే, వాహనాల రొదను కూడా లెక్కచేయకుండా, ఒకేసారి తన ముగ్గురు పిల్లలకు గోమాత పాలిస్తున్న ఈ దృశ్యం నిజంగా అరుదు.. అద్భుతం!. గోమాతకు రోడ్డే ఇల్లు కావచ్చు, కానీ పిల్లలకు మాత్రం తల్లి పంచే ప్రేమే సర్వస్వం. చుట్టూ ప్రపంచం ఎంతవేగంగా పరిగెడుతున్నా.. ఆ నాలుగు ప్రాణాల ప్రపంచం మాత్రం ఆ పాలధారల్లో నిశ్చలంగా ఆగి పోయింది. పాలకొల్లు పట్టణంలోని బ్యాంక్‌ స్ర్టీట్‌లో కనిపించిన ఈ అరు దైన దృశ్యాన్ని ‘ఆంధ్రజ్యోతి’ క్లిక్‌ మనిపించింది. అమ్మ ప్రేమకు కొలమానం లేదనడానికి ఈ దృశ్యమే తార్కాణం.