సారాపై నిఘా పెట్టండి

విజయనగరం, మే 13 (ఆంధ్రజ్యోతి): ఉమ్మడి జిల్లాలో సారా తయారీ, అమ్మకాలపై ప్రత్యేక నిఘా ఏర్పాటు చేసి కఠినంగా వ్యవహరించాలని ప్రొహిబిషన్‌ ఎక్సైజ్‌ డిప్యూటీ కమిషనర్‌ బాబ్జీరావు అధికారులను ఆదేశించారు. మంగళవారం తన కార్యాలయంలో ఉమ్మడి జిల్లాల అధికారులతో నవోదయం 2.0పై సమీక్ష నిర్వహించారు. ఈ సందర్భంగా ఆయన మాట్లాడుతూ జిల్లాలో సారా నిందితులు, అనుమానితులపై బైండోవర్‌ కేసులు నమోదు చేయాలని ఆదేశించారు. సారా వల్ల కలిగే అనర్థాలపై గ్రామాల్లో అవగాహన కల్పించాలన్నారు. గ్రామ, మండల స్థాయి కమిటీలు ఏర్పాటు చేయాలన్నారు. సారా రహిత గ్రామాలుగా తీర్చిదిద్దాలన్నారు. ఈ నెల 31 నాటికి విజయనగరం జిల్లా, జూన్‌ 30 నాటికి పార్వతీపురం మన్యం జిల్లాను సారా రహిత జిల్లాలుగా తీర్చిదిద్దేందుకు కార్యాచరణ రూపొందించాలన్నారు. సమావేశంలో అసిస్టెంట్‌ కమిషనర్‌ రామ చంద్రరావు, జిల్లా సూపరింటెండెంట్‌ శ్రీనాఽథుడు, ఏఈఎస్‌లు, సీఐలు, ఎస్‌ఐలు, సిబ్బంది పాల్గొన్నారు.