ఆకట్టుకుంటున్న కృష్ణకిరీటం పూలు
ABN , Publish Date - Aug 17 , 2025 | 11:57 PM
నారింజ, ఎరుపు వర్ణంలో చిన్న చిన్న పూలతో అడుగు పొడవు కలిగిన కృష్ణకిరీటం పూలు ప్రకృతి ప్రేమికులను ఆకట్టుకుంటున్నాయి.
చింతపల్లి, ఆగస్టు 17 (ఆంధ్రజ్యోతి): నారింజ, ఎరుపు వర్ణంలో చిన్న చిన్న పూలతో అడుగు పొడవు కలిగిన కృష్ణకిరీటం పూలు ప్రకృతి ప్రేమికులను ఆకట్టుకుంటున్నాయి. ఆర్వీనగర్ అటవీ అభివృద్ధి సంస్థ(కాఫీ) ఉత్తర, దక్షిణ డివిజన్ కార్యాలయం ఆవరణలో కృష్ణకిరీటం మొక్కలు ఉన్నాయి. ప్రస్తుతం కురుస్తున్న వర్షాలకు ఈ పూలు విరబూశాయి. కృష్ణకిరీటం పూలను పిరమిడ్ ఆకారంలో ఉండడంతో ఆరెంజ్ టవర్ ప్లవర్ అని కూడా పిలుస్తారు. దీని శాస్త్రీయ నామం క్లీరో డెండ్రమ్ పానిక్యులేటమ్. ఈ పుష్పాలు వర్షాకాలం, శీతాకాలం అధికంగా కనిపిస్తాయి. ఈ పుష్పాలు నెల రోజులకు పైగా ఆకర్షణీయంగా ఉంటాయి. త్వరగా వాడిపోవు. కృష్ణకిరీటం మొక్కల్లో ఔషధ గుణాలు అధికంగా ఉన్నాయి. ఆయుర్వేద వైద్యంలో ఈ మొక్క వేర్లు, ఆకులు, పూలకు ప్రత్యేక స్థానం ఉంది. ఈ పూలు ఫొటోలను తీసుకునేందుకు స్థానికులు ఆసక్తి చూపుతున్నారు.
