ముంబైకి గంజాయి తరలిస్తూ..

• ఇద్దరు అరెస్టు.. 24 కిలోల సరుకు స్వాధీనం

కంచిలి, డిసెంబరు 13(ఆంధ్రజ్యోతి): కంచిలి రైల్వేస్టేషన్‌ సమీపంలో వాహనాలు తనిఖీ చేస్తుండ గా ఇద్దరు వ్యక్తులు గంజాయి తరలిస్తూ పట్టుబడ్డారని, వారి నుంచి 24 కిలోల గంజాయిని స్వాధీనం చేసుకున్నట్టు సోంపేట సీఐ మంగరాజు, కంచిలి ఎస్‌ఐ పి.పారినాయిడు తెలిపారు. ఈ మేరకు శనివారం విలేకరులతో మాట్లాడుతూ వివరాలు వెల్లడించారు. ఒడిశాకి చెందిన మిలన్‌ బీర.. పిన్ని వరుస అయిన దీపాలిబిదేశీ లిమాతో కలిసి ద్విచక్ర వాహనంపై వస్తుండగా కంచిలి రైల్వేస్టేషన్‌ వద్ద పోలీసులు తనిఖీ చేప ట్టారు. ఈ క్రమంలో వారి వద్ద ఉన్న 12 ప్యాకెట్లలో 24 కిలోల గంజాయి ఉన్న ట్లు గుర్తించి స్వాధీనం చేసుకుని వారిని అరెస్టు చేశారు. ఒడిశా రాష్ట్రం ఆర్‌.ఉదయగిరికి చెందిన రాజు వద్ద గంజాయిని ఈ నెల 3న కొనుగోలు చేసి ముంబైలో ఉన్న శంకర్‌ అనే వ్యక్తికి అందించేందుకు నిందితులు తెలిపినట్టు సీఐ తెలిపారు. సాయంత్రం కోణార్క్‌ రైలులో తరలించే ప్రయత్నంలో పట్టుబడ్డారు. గంజాయి రవా ణాను చాకచక్యంగా అడ్డుకున్న ఎస్‌ఐ పారినాయుడు, సిబ్బందిని సీఐ అభినందించారు.