20న జాబ్‌ మేళా

నిరుద్యోగ యువత వినియోగించుకోవాలి

టీడీపీ ఇన్‌చార్జి ఎరిక్షన్‌బాబు

ఎర్రగొండపాలెం, నవంబరు 17 (ఆంధ్రజ్యోతి) : ఎర్రగొండపాలెం మోడల్‌ డిగ్రీ కాలేజీలో ఈనెల 20వ తేదీన రాష్ట్ర నైపుణ్యాబివృద్ధి సంస్థ, జిల్లా ఉపాధి కార్యాలయం సీడాప్‌ సంయుక్తంగా జాబ్‌ మేళాను నిర్వహిస్తున్నట్లు టీడీపీ ఇన్‌చార్జి గూ డూరి ఎరిక్షన్‌బాబు సోమవారం తెలిపారు. ఈ జాబ్‌ మేళాలో 9 కంపెనీల ప్రతినిధులు పాల్గొని ఇంటర్వ్యూలు నిర్వహిస్తారని తెలిపారు. 10 వతరగతి, ఇంటర్‌, డిగ్రీ, డిప్లమో, ఐటీఐలో ఉత్తీర్ణులైన నిరుద్యోగ యువతీయువకులు 19-30 సంవత్సరంలోపు వయస్సు వారు అర్హులని తెలిపారు. అభ్యర్థులు పాన్‌, ఆధార్‌కార్డు, సర్టిఫికెట్ల జిరాక్సుతో ఇంటర్వ్యూకి హాజరుకావాలని సూచించారు. రూ.13 వేల నుంచి రూ.20వేల జీతం ఉంటుందని తెలిపారు. వివరాలకు స్కిల్‌ హబ్‌ కోఆర్డినేటర్‌ విజయకుమారి 9553945387, 8187084281 నెంబర్లను సంప్రదించాలని తెలిపారు.