కార్పొరేషన్‌ రోడ్‌ ఆక్రమణ

ఇప్పటి వరకు ఖాళీ స్థలాలు, ప్రభుత్వ భూములు, దేవుడు భూములు ఆక్రమణలకే పేరు పొందిన నగరం తాజాగా ప్రజల సౌకర్యార్థం, రాకపోకల కోసం కార్పొరేషన్‌ అధికారులు నిర్మించిన రోడ్డునూ ఆక్రమించేశారు. స్థానిక నెల్లూరు బస్టాండ్‌లోని ఓ రెస్టారెంట్‌ను ఆనుకుని ఉన్న రోడ్‌ మార్గం నెల్లూరు బస్టాండ్‌ మెయిన్‌ రోడ్‌ నుంచి ధారావారితోటకు అనుసంధానంగా సర్వీస్‌ రోడ్‌ నిర్మించారు. అయితే ఆ రోడ్‌లో ఓ లాడ్జీని ఏర్పాటు చేసిన యాజమాన్యం ప్రజలు రాకుండా ఆంక్షలు విధించారు. దీంతో రోడ్డు మొత్తాన్ని ఆక్రమించేసి, అటువైపు కనీసం కాలినడకకు కూడా అవకాశం ఇవ్వకుండా తమ స్వాధీనంలోకి తీసుకుని బారికేడ్‌లు ఏర్పాటు చేశారు. దీంతో ఆ ప్రాంత ప్రజలు తీవ్ర ఇబ్బందులు ఎదుర్కొంటున్నారు. ఇప్పటికైనా కార్పొరేషన్‌ అధికారులు దృష్టి సారించి, ప్రజల సౌకర్యార్థం ప్రభుత్వ నిధులతో నిర్మించిన రోడ్‌లో రాకపోకలకు అనుమతించాలని పలువురు కోరుతున్నారు.

- ఆంధ్రజ్యోతి, ఒంగోలు కార్పొరేషన్‌