రెండు స్కూళ్లకు ఉత్తమ అవార్డులు

15న సీఎం చంద్రబాబు చేతుల మీదుగా ప్రదానం

ఒంగోలు విద్య, ఆగస్టు 12 (ఆంధ్రజ్యోతి) : జిల్లాలో రెండు స్కూళ్లు రాష్ట్రస్థాయి ఉత్తమ పాఠశాలల అవార్డుకు ఎంపికయ్యాయి. ఈనెల 15న స్వాతంత్య్ర వేడుకల్లో చంద్రబాబునాయుడు అవార్డులను ప్రదానం చేయనున్నారు. రాష్ట్రవ్యాప్తంగా అలాంటి స్కూళ్లు పది ఉండగా అందులో రెండు మన జిల్లా నుంచే కావడం గర్వకారణం. 2024-25 విద్యా సంవత్సరంలో ఉత్తమ ప్రతిభను కనబర్చినం దుకు నాగులుప్పలపాడు మండలం అమ్మనబ్రోలు ఏపీ రెసిడెన్షి యల్‌ బాలికల పాఠశాల, కొండపి సాంఘిక సంక్షేమ గురుకుల బాలికల పాఠశాలకు ఈ అవార్డులు దక్కాయి. వీటిలో విద్యార్థినులు పరీక్షల్లో నూరుశాతం ఉత్తీర్ణత సాధించడంతోపాటు సగటు మార్కులు కూడా అధికంగానే ఉన్నాయి. అమ్మనబ్రోలు పాఠశాల హెచ్‌ఎం కె.మాధవి, కొండపి పాఠశాల ప్రిన్సిపాల్‌ ఎస్‌.అరుణ సీఎం చేతుల మీదుగా ఈ అవార్డులు అందుకోనున్నారు.