జిల్లాకు 14,053.50 క్వింటాళ్ల రాయితీ విత్తనాలు

వ్యవసాయశాఖ జేడీ వరలక్ష్మి

కర్నూలు అగ్రికల్చర్‌, మే 15 (ఆంధ్రజ్యోతి): కర్నూలు జిల్లాలో జూన్‌లో మొదలయ్యే ఖరీఫ్‌ సీజన్‌కు సంబంధించి వివిధ పంటలకు అవసరమైన రాయితీ విత్తనాలను 14,053.50 క్వింటాళ్లను ప్రభుత్వం రైతులకు పంపిణీ చేసేందుకు అనుమతి ఇచ్చినట్లు వ్యవసాయశాఖ జేడీ వరలక్ష్మి తెలిపారు. వేరుశనగ కే-6 రకం 11,980 క్వింటాళ్లు, టీసీజీఎస్‌ 1694 రకం వేరుశనగ విత్తనాలు 1250 క్వింటాళ్లు, కే-లేపాక్షి రకం విత్తనాలు 570 క్వింటాళ్లు మొత్తం 13,800 క్వింటాళ్లు కేటాయించిందని తెలిపారు. త్వరలోనే వీటిని పంపిణీ చేసేందుకు ఏర్పాట్లు చేస్తున్నామనీ గురువారం జేడీ తెలిపారు. కందులు ఎల్‌ఆర్‌జీ-41 రకం విత్తనాలు 97.50 క్వింటాళ్లు, ఐసీపీఎల్‌ రకం విత్తనాలు 197.50 క్వింటాళ్లు, పీఆర్‌జీ రకం విత్తనాలు 597.50 క్వింటాళ్లను రాయితీపై అందించనున్నట్లు తెలిపారు. పెసలు పి-4 రకం విత్తనాలను 24 క్వింటాళ్లు, మినుములు ఎల్‌జీజీ-410 రకం విత్తనాలు 2 క్వింటాళ్లు, కొర్ర ఎస్‌ఐఏ రకం విత్తనాలు 25 క్వింటాళ్లు, శ్రీలక్ష్మి రకం విత్తనాలు 45 క్వింటాళ్లు మొత్తం 70 క్వింటాళ్లు పంపిణీ చేయనున్నట్లు తెలిపారు. డయంచ లోకల్‌ 154 క్వింటాళ్లు, పిల్లిపెసర 11 క్వింటాళ్లు రాయితీపై పంపిణీ చేస్తామని చెప్పారు.