AP CM Chandrababu: ఆటో కార్మికులకు దసరా కానుక

• ప్రతి ఒక్కరికీ ఏటా 15 వేలు

• ఎన్నికల్లో చెప్పాం.. ఎన్ని కష్టాలున్నా అమలుచేస్తాం: ముఖ్యమంత్రి

అనంతపురం, సెప్టెంబరు 10(ఆంధ్రజ్యోతి): ‘కూటమి ప్రభుత్వం అందరి ప్రభుత్వం.. అన్ని వర్గాల జీవితాలు మార్చే ప్రభుత్వం.. మహిళలకు ఉచిత బస్సు పథకం వల్ల ఆటోడ్రైవర్లు నష్టపోకుండా వారందరికీ ఏడాదికి రూ.15 వేలు ఆర్థిక సాయం అందిస్తాం. ఈ దసరా రోజునే అందజేస్తాం. ఎన్నికల్లో చెప్పాం.. ఎన్ని కష్టాలున్నా చేస్తాం. ఇదీ పేదలపై కూటమి ప్రభుత్వానికి ఉన్న ప్రేమ’ అని సీఎం చంద్రబాబు స్పష్టం చేశారు. రాష్ట్రంలో హెల్తీ వెల్తీ హ్యాపీ సొసైటీ ఉండాలన్నది తన కోరికని, దానికోసమే పీ-4 తెచ్చామని అనంతపురంలో జరిగిన ‘సూపర్‌సిక్స్‌-సూపర్‌హిట్‌’ సభలో చెప్పారు. తన జీవితాంతం పేదవారి పక్షానే ఉంటానని, చివరి శ్వాస వరకు.. ప్రతి ఒక్క రక్తపు బొట్టూ పేదవారి కోసం చిందిస్తానని స్పష్టం చేశారు.