రెవెన్యూ డివిజన్ల పరిధి పెంపు

ఇప్పటివరకు తిరుపతి, శ్రీకాళహస్తి, సూళ్లూరుపేట, గూడూరు రెవెన్యూ డివిజన్లున్నాయి. ఇకపై గూడూరు మినహా మూడే ఉంటాయి. దీంతో డివిజన్ల పరిధి పెరగనుంది.

సూళ్లూరుపేటకు 11మండలాలు: సూళ్లూరుపేట డివిజన్‌లో ఇప్పటిదాకా ఓజిలి, నాయుడుపేట, పెళ్లకూరు, దొరవారిసత్రం, తడ, సూళ్లూరుపేట, బీఎన్‌ కండ్రిగ, వరదయ్యపాళెం, సత్యవేడు మండలాలు ఉండగా, ఇప్పుడు వాకాడు, చిట్టమూరు చేరనున్నాయి.

శ్రీకాళహస్తికి అదనంగా మూడు: శ్రీకాళహస్తి డివిజన్లో ప్రస్తుతం శ్రీకాళహస్తి, తొట్టంబేడు, ఏర్పేడు, రేణిగుంట, కేవీబీ పురం, నాగలాపురం, పిచ్చాటూరు, నారాయణవనం మండలాలు ఉండగా, తాజాగా వెంకటగిరి, బాలాయపల్లి డక్కిలి చేరనున్నాయి.

తిరుపతికి 14మండలాలు: తిరుపతి డివిజన్లో ప్రస్తుతం తిరుపతి అర్బన్‌, తిరుపతి రూరల్‌, చంద్రగిరి, రామచంద్రాపురం, పాకాల, చిన్నగొట్టిగల్లు, ఎర్రవారిపాలెం, పుత్తూరు, వడమాలపేట మండలాలున్నాయి. ఇప్పుడు రైల్వే కోడూరు నియోజకవర్గం విలీనంతో ఆ ఐదు మండలాలూ (కోడూరు, ఓబులవారిపల్లి, చిట్వేలు, పుల్లంపేట, పెనగలూరు) ఈ డివిజన్లోకే రానున్నాయి. దీంతో మండలాల 14కు పెరగనుంది.