తోటి వేషం వేసి.. గంగమ్మను దర్శించి
ABN , Publish Date - May 10 , 2025 | 12:52 AM
పిల్లలు ఒళ్లంతా బొగ్గుపొడి పూసుకున్నారు. తెల్లనామం సాది కనుబొమ్మలపైన చుక్కబొట్లు పెట్టుకున్నారు. నడుంచుట్టూ, తలకు వేపాకు మండలను కట్టుకున్నారు. ఇలా శుక్రవారం తిరుపతి గంగజాతరలో తోటి వేషధారణతో అమ్మవారిని మొక్కుకున్నారు. పలువురు చిత్ర విచిత్ర వేషాలు ధరించారు. ఇక, సాయంత్రం 4 గంటల నుంచి భక్తుల రద్దీ పెరిగింది. ఇక, వేంకటేశ్వరస్వామి చెల్లెలుగా ప్రసిద్దికెక్కిన తాతయ్యగుంట గంగమ్మకు శనివారం సాయంత్రం టీటీడీ తరపున సారె అందించనున్నారు. అలాగే, శనివారం దొర వేషాన్ని కైకాల, చాకలి కులస్థులు అనువంశికంగా వేస్తారు. ఈ వేషాన్ని ఇతరులెవరూ వేయరు. తక్కిన భక్తులు పలు రకాల వేషాలతో అమ్మవారిని దర్శించుకుంటారు.
తిరుపతి, ఆంధ్రజ్యోతి : పిల్లలు ఒళ్లంతా బొగ్గుపొడి పూసుకున్నారు. తెల్లనామం సాది కనుబొమ్మలపైన చుక్కబొట్లు పెట్టుకున్నారు. నడుంచుట్టూ, తలకు వేపాకు మండలను కట్టుకున్నారు. ఇలా శుక్రవారం తిరుపతి గంగజాతరలో తోటి వేషధారణతో అమ్మవారిని మొక్కుకున్నారు. పలువురు చిత్ర విచిత్ర వేషాలు ధరించారు. ఇక, సాయంత్రం 4 గంటల నుంచి భక్తుల రద్దీ పెరిగింది. ఇక, వేంకటేశ్వరస్వామి చెల్లెలుగా ప్రసిద్దికెక్కిన తాతయ్యగుంట గంగమ్మకు శనివారం సాయంత్రం టీటీడీ తరపున సారె అందించనున్నారు. అలాగే, శనివారం దొర వేషాన్ని కైకాల, చాకలి కులస్థులు అనువంశికంగా వేస్తారు. ఈ వేషాన్ని ఇతరులెవరూ వేయరు. తక్కిన భక్తులు పలు రకాల వేషాలతో అమ్మవారిని దర్శించుకుంటారు.
-
