Loans వడ్డీతో రుణాలు రెన్యువల్‌ చేయాలి
ABN , Publish Date - May 10 , 2025 | 12:23 AM
మండలంలోని కొక్కంటిక్రా్‌సలో ఉన్న యూనియన బ్యాంక్‌లో రుణాలు పొందిన రైతులందరికి వడ్డీతోనే రుణాలను రెన్యువల్‌ చేయాలని రైతు సంఘం నాయకులు కోరారు.
తనకల్లు, మే 9(ఆంధ్రజ్యోతి): మండలంలోని కొక్కంటిక్రా్‌సలో ఉన్న యూనియన బ్యాంక్‌లో రుణాలు పొందిన రైతులందరికి వడ్డీతోనే రుణాలను రెన్యువల్‌ చేయాలని రైతు సంఘం నాయకులు కోరారు. ఈ మేరకు శుక్రవారం ఆ బ్యాంక్‌ మేనేజర్‌ శ్రీనివాసరెడ్డికి వినతిపత్రం సమర్పించారు. అసలు, వడ్డీ చెల్లించలేక రైతులు వడ్డీ వ్యాపారుల వద్ద అధిక వడ్డీలకు డబ్బులు తీసుకోవాల్సి వస్తోందన్నారు. అసలు, వడ్డీలు చెలిస్తేనే రుణాల రెన్యువల్‌ చేస్తామని బ్యాంక్‌ అధికారులు చెప్పడం సరైన పద్ధతి కాదన్నారు. ఈ కార్యక్రమంలో రైతు సంఘం బెల్లం మహాదేవ్‌, కాటమయ్య, చౌడప్ప, ఇక్బాల్‌ సీపీఐ కార్యదర్శి రెడ్డెప్ప పాల్గొన్నారు.
