ఎన్టీపీసీ ఫ్లోటింగ్‌ సోలార్‌ ప్రాజెక్టుకు జాతీయ స్థాయి అవార్డు

జ్యోతినగర్‌, ఫిబ్రవరి 39: పెద్దపల్లి జిల్లా రామగుండం ఎన్టీపీసీ బ్యాలెన్సింగ్‌ రిజర్వాయర్‌లోని ఫ్లోటింగ్‌ సోలార్‌ విద్యుత్‌ ప్రాజెక్టుకు జాతీయ స్థాయి అవార్డు లభించింది. స్థిరమైన, స్థితిస్థాపక మౌలిక వసతుల(సస్టయినబుల్‌, రెజీలియెంట్‌ ఇన్‌ఫ్రాస్ట్రక్చర్‌) విభాగంలో 100 మెగావాట్ల ఈ ప్రాజెక్టుకు అవార్డు దక్కింది. గురువారం హరియాణా రాజధాని చండీగఢ్‌లో జరిగిన 6వ నేషనల్‌ ఎనర్జీ సమ్మిట్‌లో.. రామగుండం ఎన్టీపీసీ జీఎం వేముల అనిల్‌ కుమార్‌కు బ్రిటిష్‌ డిప్యూటీ హై కమిషనర్‌(చండీగఢ్‌) కారొలిన్‌ రోవెట్‌, హ రియాణా విద్యుత్‌శాఖ మంత్రి రంజిత్‌సింగ్‌లు ఈ అవార్డును అందజేశారు.