సంగారెడ్డిలో ఐటీ దాడులు
ABN , Publish Date - May 02 , 2024 | 05:17 AM
సంగారెడ్డి మునిసిపల్ వైస్ చైర్పర్సన్ లత విజయేందర్రెడ్డి ఇంటితోపాటు మరికొందరు బీఆర్ఎస్ నాయకుల ఇళ్లల్లో
సంగారెడ్డి టౌన్, మే1: సంగారెడ్డి మునిసిపల్ వైస్ చైర్పర్సన్ లత విజయేందర్రెడ్డి ఇంటితోపాటు మరికొందరు బీఆర్ఎస్ నాయకుల ఇళ్లల్లో బుధవారం రాత్రి ఐటీ అధికారులు సోదాలు నిర్వహించారు. అయితే, ఈ సోదాల్లో లత విజయేందర్రెడ్డి ఇంట్లో సుమారు రూ.70 లక్షలు దొరికినట్లు సమాచారం. ఇందుకు సంబంధించిన పూర్తి వివరాలు తెలియాల్సి ఉంది. ఈ విషయమై ఎమ్మెల్యే చింత ప్రభాకర్ విలేకర్లతో మాట్లాడుతూ... బీజేపీతో కలిస్తే జోడీ లే కుంటే ఈడీ, ఐటీ దాడులని అన్నారు. బీఆర్ఎస్ లోక్సభ అభ్యర్థి వెంకట్రామిరెడ్డికి వస్తున్న ప్రజాదరణ చూసి ఓర్వలేకనే తమ నాయకులపై బీజేపీ ఐటీ దాడులు చేయిస్తోందని ఆరోపించారు.