మార్చి నాటికి అన్ని గ్యారెంటీల అమలు
ABN , Publish Date - Jan 18 , 2024 | 11:10 PM
మార్చి నెల చివరి నాటికి ఎన్నికల్లో కాంగ్రెస్ పార్టీ హామీ ఇచ్చిన అన్ని గ్యారెంటీలను అమలు చేస్తామని స్థానిక ఎమ్మెల్యే జి. మధుసూ దన్రెడ్డి అన్నారు.
- షాదీ ముబారక్ చెక్కుల పంపిణీలో ఎమ్మెల్యే జీఎంఆర్
అడ్డాకుల (మూసాపేట), జనవరి 18 : మార్చి నెల చివరి నాటికి ఎన్నికల్లో కాంగ్రెస్ పార్టీ హామీ ఇచ్చిన అన్ని గ్యారెంటీలను అమలు చేస్తామని స్థానిక ఎమ్మెల్యే జి. మధుసూ దన్రెడ్డి అన్నారు. మూసాపేట తహసీల్దార్ కార్యాలయంలో పలువురు లబ్ధిదారులకు షాదీ ముబారక్ చెక్లను గురువారం ఎమ్మెల్యే అందజేశారు. ఈ సందర్భంగా ఎమ్మెల్యే మాట్లాడుతూ ప్రజా ప్రభుత్వంలో నిరు పేదలందరినీ గుర్తించి అన్ని సంక్షేమ పథకాలను అందిస్తామని పేర్కొన్నారు. కార్యక్రమంలో తహసీల్దార్ బ్రహ్మంగౌడ్, పార్టీ మండల అధ్యక్షుడు శెట్టిశేఖర్, నాయకులు బగ్గి కృష్ణయ్య, కండక్టర్ నారాయణ, తిరుపతయ్యగౌడ్, తాజొద్దీన్, లబ్ధిదారులు ఉన్నారు.
