బషీరాబాద్‌లో భారీ వర్షం

వికారాబాద్‌/మోమిన్‌పేట, మే 19 (ఆంధ్రజ్యోతి): జిల్లాలో మోస్తరు నుంచి భారీ వర్షం కురిసింది. కొన్ని ప్రాంతాల్లో చిరు జల్లులు కురియగా, కొన్ని ప్రాంతాల్లో కొంత సమయం భారీ వర్షం కురిసింది. బషీరాబాద్‌, తాండూరు, మోమిన్‌పేట్‌, మర్పల్లి, నవాబ్‌పేట్‌, వికారాబాద్‌ల్లో మోస్తరు నుంచి భారీ వర్షం కురిసింది. ఆదివారం సాయంత్రం 6 గంటల వరకు బషీరాబాద్‌లో 18.5 మి.మీ., తాండూరులో 13.5 మి.మీ., మోమిన్‌పేట్‌లో 13.0 మి.మీ., మర్పల్లిలో 12.3 మి.మీ., నవాబ్‌పేట్‌లో 3.3 మి.మీ., వికారాబాద్‌లో 3.0 మి.మీ., యాలాల్‌లో 1.3 మి.మీ., బంట్వారం, పెద్దేముల్‌ మండలాల్లో 0.8 మి.మీ. వంతున వర్షపాతం నమోదైంది. . వాతావరణం చల్లబడటంతో ప్రజలు ఉక్కపోతతో ఉపశమనం పొందారు.