పచ్చని కళ
ABN , Publish Date - Apr 18 , 2024 | 11:52 PM
ఈ దృశ్యం చూడడానికి రెండు కళ్లు సరిపోవడం లేదు కదూ..! ఇంతటి పచ్చదనం చూసి కోనసీమ అనుకునేరు.. మన వికారాబాద్‌ జిల్లా బషీరాబాద్‌ మండలం మైల్వార్‌- నీళ్లపల్లి సమీపంలోని పంటపొలాలు.
ఈ దృశ్యం చూడడానికి రెండు కళ్లు సరిపోవడం లేదు కదూ..! ఇంతటి పచ్చదనం చూసి కోనసీమ అనుకునేరు.. మన వికారాబాద్‌ జిల్లా బషీరాబాద్‌ మండలం మైల్వార్‌- నీళ్లపల్లి సమీపంలోని పంటపొలాలు. యాసంగింలో రైతులు వరి సాగు చేయగా పైరు పచ్చదనంతో కళకళలాడుతోంది., పచ్చని పొలం గట్లతో ప్రకృతి అందాలు అదరహో అనిపిస్తున్నాయి. మండు వేసవిలోనూ కను చూపు మేర పచ్చని పైరు కనువిందు చేస్తోంది. ఈ అందాలను చూసి ప్రకృతి ప్రేమికులు పరవశించిపోతున్నారు. చేలు భూమాతకు పచ్చని చీర కట్టినట్టుగా ఉండడంతో ఆ మార్గంలో వెళ్లే వాహనదారులు కొద్ది సేపు ఆగి పచ్చదనాన్ని ఆస్వాదిస్తున్నారు.
- బషీరాబాద్‌, ఏప్రిల్‌ 18
