ఒకే వేదికపై అప్పుడూ.. ఇప్పుడూ!

సర్ఫరాజ్‌ కీలక సమయంలో సెంచరీతో జట్టును ఆదుకొన్నాడు. వంద మార్క్‌ చేరిన అనంతరం అతడు మైదానంలో జోష్‌తో సంబరాలు చేసుకొన్నాడు. అతడి సెలెబ్రేషన్స్‌ చూసి కెప్టెన్‌ రోహిత్‌తో పాటు కోహ్లీ నవ్వుకున్నారు. కాగా.. ఈ సందర్భంగా కోహ్లీ, సర్ఫరాజ్‌ ఒకే వేదికపై పంచుకొన్న ఆనందాలను బీసీసీఐ ఎక్స్‌లో పోస్టు చేసింది. 2015లో రాజస్థాన్‌తో ఐపీఎల్‌ మ్యాచ్‌లో బెంగళూరు తరఫున 17 ఏళ్ల సర్ఫరాజ్‌ 21 బంతుల్లో 45 పరుగులు చేయడంతో జట్టు స్కోరు 200 మార్క్‌ అందుకొంది. ఆ సమయం లో సర్ఫరాజ్‌ డగౌట్‌కు వస్తున్నప్పుడు కోహ్లీ ‘దండం’ పెట్టి ప్రశంసించాడు. ఇప్పుడు అదే మైదానంలో టీమిండియా తరఫున సర్ఫరాజ్‌ సెంచరీ సాధిస్తే.. కోహ్లీ నవ్వుతూ అతడిని ప్రోత్సహించాడు.