నేను రెడీ!
ABN , Publish Date - Jun 03 , 2024 | 06:33 AM
టీమిండియా కోచ్‌ రేస్‌లో తన పేరు బలంగా వినిపిస్తున్నా.. గౌతమ్‌ గంభీర్‌ మాత్రం ఇప్పటి వరకూ ఆ విషయమై పెదవి విప్పలేదు. మరోవైపు కోచ్‌ పదవికి...
టీమిండియా కోచ్‌ పదవిపై గంభీర్‌
దుబాయ్‌: టీమిండియా కోచ్‌ రేస్‌లో తన పేరు బలంగా వినిపిస్తున్నా.. గౌతమ్‌ గంభీర్‌ మాత్రం ఇప్పటి వరకూ ఆ విషయమై పెదవి విప్పలేదు. మరోవైపు కోచ్‌ పదవికి దరఖాస్తుల గడువు గతనెల 27నే ముగిసినా..ఎవరెవరు అప్లై చేశారన్న సమాచారం కూడా బయటకు రాకపోవడంతో కోచ్‌ అంశంలో ఉత్కంఠ కొనసాగుతోంది. ఈ నేపథ్యంలో గంభీర్‌ మాట్లాడుతూ.. భారత జట్టుకు కోచింగ్‌ ఇవ్వడం తనకు ఇష్టమేనని చెప్పేశాడు. ‘కోచింగ్‌ ఇచ్చేందుకు నేను సిద్ధం. జాతీయ జట్టుకు కోచ్‌గా బాధ్యతలు నిర్వర్తించడంకన్నా గొప్ప గౌరవం ఏముంటుంది? అది గొప్ప పదవి’ అని 42 ఏళ్ల గంభీర్‌ వ్యాఖ్యానించాడు.
