భారత జట్ల శుభారంభం
ABN , Publish Date - Sep 12 , 2024 | 03:09 AM
చెస్‌ ఒలింపియాడ్‌లో భారత పురుషుల జట్టు శుభారంభం చేసింది. బుధవారం జరిగిన మొదటి రౌండ్‌లో మనోళ్లు 4-0తో మొరాకోను చిత్తు చేశారు. ఈ విజయంలో...
మొరాకో, జమైకాపై గెలుపు
చెస్‌ ఒలింపియాడ్‌
బుడాపెస్ట్‌: చెస్‌ ఒలింపియాడ్‌లో భారత పురుషుల జట్టు శుభారంభం చేసింది. బుధవారం జరిగిన మొదటి రౌండ్‌లో మనోళ్లు 4-0తో మొరాకోను చిత్తు చేశారు. ఈ విజయంలో భారత్‌కు రెండు పాయింట్లు లభించాయి. నల్లపావులతో ఆడిన అర్జున్‌ ఇరిగేసి 40 ఎత్తుల్లో జాక్వెస్‌ ఎల్బిలాపై గెలుపొందాడు. నల్లపావులతోనే బరిలో దిగిన పెంటేల హరికృష్ణ 45 ఎత్తుల్లో అనాస్‌ మొయాద్‌ని ఓడించాడు. ఇక ప్రజ్ఞానంద-మహ్మద్‌ తిసిర్‌పై, విదిత్‌ గుజ్‌రాతీ-మెహ్దీపై నెగ్గడంతో భారత్‌ క్లీన్‌స్వీప్‌ చేసింది. మహిళల విభాగంలో భారత్‌ 3.5-0.5తో జమైకాపై గెలిచింది.
