ఆరోగ్యానికి అసలైన నియమాలు...
ABN , Publish Date - Jan 30 , 2024 | 11:09 PM
ఎన్ని మాటలు చెప్పినా ఆరోగ్యమే మహాభాగ్యం అనే మాట వాస్తవం. ఆరోగ్యంగా ఉండాలనుకోవటం వేరు.. ఆరోగ్యం కోసం నియమాలను పాటించటం వేరు. ఈ రెండో కోవలోకి చెందినవారే ఆరోగ్యానికి తొలి ప్రాధాన్యం ఇస్తారు. తిండి విషయంలో జాగ్రత్తగా ఉండాలి. జిహ్వ రుచికోసం ఆలోచిస్తే..
![ఆరోగ్యానికి అసలైన నియమాలు...](https://media.andhrajyothy.com/media/2023/20231205/i_Stock_518549250_path_594f4cc125.jpg)
ఎన్ని మాటలు చెప్పినా ఆరోగ్యమే మహాభాగ్యం అనే మాట వాస్తవం. ఆరోగ్యంగా ఉండాలనుకోవటం వేరు.. ఆరోగ్యం కోసం నియమాలను పాటించటం వేరు. ఈ రెండో కోవలోకి చెందినవారే ఆరోగ్యానికి తొలి ప్రాధాన్యం ఇస్తారు. తిండి విషయంలో జాగ్రత్తగా ఉండాలి. జిహ్వ రుచికోసం ఆలోచిస్తే.. పొట్ట పెరగటంతో పాటు పలురకాల సమస్యలు వేధిస్తాయి. అందుకే తిని సంతోషపడటం కంటే శరీర ఆరోగ్యాన్ని కాపాడుకోవటం మంచిది.
ఉప్పు, చక్కెర శాతం అధికంగా ఉండకుండా జాగ్రత్త పడాలి. వీలైతే వాటిని పక్కన పెట్టడం మంచిది. తాజా ఆహారమే తినాలి. ప్రాసెస్డ్ ఫుడ్కు దూరంగా ఉండాలి. ఆకుకూరలు, కూరగాయలు, పండ్లు తినాలి.
ఒకేచోట కదలకుండా గంటలతరబడి కూర్చున్నా, కనీస శారీరక శ్రమ లేకపోయినా ఆరోగ్య సమస్యలు వస్తాయి. కనుక రోజూ వ్యాయామానికి కొంత సమయం కేటాయించాలి. నడక, జిమ్, యోగా లాంటి వాటివల్ల శరీరంలో టాక్సిన్స్ తొలగిపోతాయి.
డిజిటల్ పొల్యూషన్లో చిక్కుకుని ఫోన్తో ఎక్కువ సమయం గడపటంవల్ల నిద్ర సమస్యలు వస్తాయి. ఎంత తిన్నా, ఎంత వ్యాయామం చేసినా సుఖమైన నిద్ర తప్పనిసరి.