కాష్ఠం రగులుకుంది
ABN , Publish Date - May 20 , 2024 | 03:15 AM
నీటిలో సూర్యబింబాన్ని చూసినట్టు రొట్టెలపై అమ్మను చూసుకున్నాడు పసిపిల్లాడు...
నీటిలో సూర్యబింబాన్ని చూసినట్టు
రొట్టెలపై
అమ్మను చూసుకున్నాడు పసిపిల్లాడు
నీటిలో చంద్రబింబాన్ని చూసినట్టు
రొట్టెలపై
ప్రియురాలి మోమును చూసుకున్నాడొక ప్రియుడు
ఆ రెండు హృదయాలు
దొగ్గాడుతూ రొట్టెను అందుకునేలోపే
కాష్టం రగులుకుంది
ఇక అమ్మ లేదు, ప్రియురాలు లేదు,
రొట్టెలు రొట్టెల్లా లేవు. అంతా బూడిదే.
దుఃఖంతో, ఆకలి కేకలతో,
గాజా గుండెలు రగులుతుంటే
ఆ పసిహృదయాల పేగులు మండుతుంటే
సూర్యగోళం సైతం చిన్నబోయింది!
పేగులు పటపటమనే శబ్దానికి
ఉరుముల సత్తువ సన్నబోయింది!
దొంతం చరణ్‌
90002 15466
