Horoscope Today: ఈ రాశివారు నేడు విలువైన వస్తువులు కొనుగోలు చేస్తారట!

నేడు (7-6-2024 - శుక్రవారం) ఇంటర్వ్యూలలో విజయం సాధిస్తారు. విద్యార్థులు అడ్మిషన్లు సాదిస్తారు. ప్రయాణాలు, చర్చలు ఫలిస్తాయి. తోబుట్టువులతో ఆనందంగా గడుపుతారు. మెయిల్స్‌, సందేశాలు ఆనందం కలిగిస్తాయి. శ్రీ వేంకటేశ్వర స్వామి ఆరాధన శుభప్రదం

మేషం (మార్చి 21 - ఏప్రిల్‌ 20 మధ్య జన్మించిన వారు)

ముఖ్యమైన సమాచారం అందుకుంటారు. వాహన సౌకర్యం కలుగుతుంది. తోబుట్టువుల సహకారంతో లక్ష్యాలు సాధిస్తారు. కాంట్రాక్టులు, అగ్రిమెంట్లకు అనుకూలం. ప్రయాణాలు, చర్చల్లో నిదానం పాటించండి. అన్నదానం శుభప్రదం.

వృషభం ( ఏప్రిల్‌ 21 - మే 20 మధ్య జన్మించిన వారు)

షేర్‌ మార్కెట్‌ లావాదేవీల్లో కొంత నిదానం అవసరం. విలువైన వస్తువులు కొనుగోలు చేస్తారు. పెట్టుబడులపై దృష్టి సారిస్తారు. రుణాలు మంజూరవుతాయి. ఆర్థిక లావాదేవీల్లో జాగ్రత్తగా వ్యవహరించాలి. దుర్గాసప్తశతీ పారాయణ శుభప్రదం.

మిథునం (మే 21-జూన్‌ 21 మధ్య జన్మించిన వారు)

్జ్టకొత్త పనుల ప్రారంభానికి ఇది అనుకూల సమయం. వ్యక్తిగత విషయాలపై దృష్టి సారిస్తారు. కొత్త ప్రాజెక్టుల్లో విజయం సాధిస్తారు. తొందరపాటు నిర్ణయాల కారణంగా చిక్కులు ఎదురయ్యే అవకాశం ఉంది. కనకధారా స్తోత్ర పారాయణ శుభప్రదం.

కర్కాటకం (జూన్‌ 22 - జూలై 23 మధ్య జన్మించిన వారు)

అనుకున్న పనులను పట్టుదలతో పూర్తి చేస్తారు. ఉన్నత చదువులు, విదేశీ ప్రయాణాల విషయాల్లో విజయం సాధిస్తారు. ఫొటోగ్రఫీ, ఎగుమతులు, సినిమాలు, రాజకీయ, న్యాయ రంగాల వారికి ప్రోత్సాహకరంగా ఉంటుంది. అమ్మవారి ఆలయదర్శనం శుభప్రదం.

సింహం (జూలై 24 - ఆగస్టు 23 మధ్య జన్మించిన వారు)

బృందకార్యక్రమాలు, సమావేశాల్లో కీలకపాత్ర పోషిస్తారు. పెట్టుబడలపై మంచి ప్రతిఫలాలు అందుకుంటారు. అందరినీ కలుపుకుని మంచి పనులకు శ్రీకారం చుడతారు. ఆర్థిక విషయాల్లో సన్నిహితుల సమకారం అందుకంటారు.

కన్య (ఆగస్టు 24 - సెప్టెంబరు 23 మధ్య జన్మించిన వారు)

ఉద్యోగ, వ్యాపారాల్లో లక్ష్యాలు సాధిస్తారు. ఇంటర్వ్యూలలో విజయం సాధిస్తారు. మీ గౌరవ మర్యాదలకు భంగం కలిగించే పరిణామాలు చోటు చేసుకుంటాయి. తల్లిదండ్రుల విషయాల్లో శుభపరిణామాలు సంభవం. ఖడ్గమాలా సోత్త్ర పారాయణ శుభప్రదం.

తుల (సెప్టెంబరు 24 - అక్టోబరు 23 మధ్య జన్మించిన వారు)

విదేశీ ప్రయాణాలు, వీసా వ్యవహారాల్లో లక్ష్యాలు సాధిస్తారు. రాజకీయ రంగాల వారికి ఉన్నత పదవులు లభిస్తాయి. రక్షణ, బోధన, న్యాయ, రవాణా రంగాల వారికి ప్రోత్సాహకరంగా ఉంటుంది. శ్రీ లక్ష్మీదేవి ఆరాధన శుభ ప్రదం.

వృశ్చికం (అక్టోబరు 24 - నవంబరు 22 మధ్య జన్మించిన వారు)

రుణాలు, పన్నుల వ్యవహారాలు పరిష్కారం అవుతాయి. పెట్టుబడులు ఫలిస్తాయి. ఆరోగ్యం మెరుగుపడుతుంది. ఆస్పత్రి ఖర్చులకు అసవరమైన నిధులు సర్దుబాటు అ వుతాయి. గత అనుభవం లక్ష్య సాధనకు తోడ్పడుతుంది. అమ్మవారి ఆరాధన శుభప్రదం.

ధనుస్సు (నవంబరు 23 - డిసెంబరు 21 మధ్య జన్మించిన వారు)

శ్రీవారు, శ్రీమతి వైఖరి ఉల్లాసం కలిగిస్తుంది. పందాలు, పోటీ లకు దూరంగా ఉండటం మేలు. స్టాక్‌మార్కెట్‌ లావాదేవీలు, పెట్టబడులపై మంచి ప్రతిఫలాలు అందుకుంటారు. బృందకార్యక్రమాల కోసం ఖర్చులు అధికం. లలితా దేవి ఆరాధన శుభప్రదం.

మకరం (డిసెంబరు 22-జనవరి 20 మధ్య జన్మించిన వారు)

సహోద్యోగులతో ఉల్లాసంగా గడుపుతారు. ఇంటర్వ్యూలలో ఆశించిన ఫలితాలు సాధిస్తారు. విందు వినోదాల్లో పాల్గొంటారు. ఆస్పత్రులు, హోటల్‌, ఫార్మా రంగాల వారికి అనుకూల సమయం. ఆరోగ్యం పట్ల శ్రద్ధ చూపిస్తారు. కనకధారా స్తోత్ర పారాయణ శుభప్రదం.

కుంభం (జనవరి 21 - ఫిబ్రవరి 19 మధ్య జన్మించిన వారు)

టెలివిజన్‌, ఆడిటింగ్‌, చిట్‌ఫండ్‌ రంగాల వారికి ప్రోత్సాహకరంగా ఉంటుంది. క్రీడలు, బోధన రంగాల వారికి శ్రమకు తగిన ప్రతిఫలం లభిస్తుంది. చిన్నారులు, ప్రియతముల కోసం ఖర్చులు అధికం. పొదుపు పథకాలపై దృష్టి పెడతారు. దుర్గామాతను ఆరాధించండి.

మీనం (ఫిబ్రవరి 20 - మార్చి 20 మధ్య జన్మించిన వారు)

రియల్‌ ఎస్టేట్‌, నిర్మాణ రంగాల వారికి ప్రోత్సాహకరంగా ఉంటుంది. కుటుంబ వ్యవహారాలపై దృష్టి సారిస్తారు. కొంతకాలంగా వాయిదా పడుతున్న పనులు పట్టుదలతో పూర్తి చేస్తారు. కనకధారా స్తోత్ర పారాయణ శుభప్రదం.

- బిజుమళ్ళ బిందుమాధవ శర్మ