ఒకటి ఐదుగా.. కెనరా బ్యాంక్ షేర్ల విభజనకు బోర్డు ఆమోదం
ABN , Publish Date - Feb 27 , 2024 | 04:35 AM
ప్రభుత్వ రంగానికి చెందిన కెనరా బ్యాంక్ షేర్లను 1:5 నిష్పత్తిలో విభజిస్తున్నట్లు ప్రకటించింది. రూ.10 ముఖ విలువ కలిగిన ఒక్కో షేరును ఒక్కోటి రూ.2 ముఖ విలువ కలిగిన ఐదు షేర్లుగా విభజించనుంది...
![ఒకటి ఐదుగా.. కెనరా బ్యాంక్ షేర్ల విభజనకు బోర్డు ఆమోదం](https://www.andhrajyothy.com/assets/images/defaultImg.jpeg)
కెనరా బ్యాంక్ షేర్ల విభజనకు బోర్డు ఆమోదం
ముంబై: ప్రభుత్వ రంగానికి చెందిన కెనరా బ్యాంక్ షేర్లను 1:5 నిష్పత్తిలో విభజిస్తున్నట్లు ప్రకటించింది. రూ.10 ముఖ విలువ కలిగిన ఒక్కో షేరును ఒక్కోటి రూ.2 ముఖ విలువ కలిగిన ఐదు షేర్లుగా విభజించనుంది. సోమవారం సమావేశమైన బ్యాంక్ బోర్డు ఈ ప్రతిపాదనకు ఆమోదం తెలిపింది. మార్కెట్లో బ్యాంక్ షేర్ల లభ్యతను పెంచడంతోపాటు చిన్న మదుపరులకు సైతం ధర అందుబాటులో ఉండేందుకే షేర్లను విభజిస్తున్నట్లు కెనరాబ్యాంక్ తెలిపింది. ఇందుకు ఆర్బీఐ అనుమతి తెలుపాల్సి ఉంటుందని, విభజన ప్రక్రి య పూర్తికి 2-3 నెలలు పట్టవచ్చని బ్యాంక్ వెల్లడించింది. బీఎ్సఈలో బ్యాంక్ షేరు ధర 1.24 శాతం నష్టపోయి రూ.572.80 వద్ద ముగిసింది.