జీనోమ్‌ వ్యాలీలో జీవీ రీసెర్చ్‌ పరిశోధనా కేంద్రం

జీనోమ్‌ వ్యాలీలో జీవీ రీసెర్చ్‌ పరిశోధనా కేంద్రం

న్యూఢిల్లీ: హైదరాబాద్‌లోని జీనోమ్‌ వ్యాలీలో 1.3 లక్షల చదరపు అడుగుల విస్తీర్ణం గల ఆర్‌ అండ్‌ డీ ఫెసిలిటీని జీవీ రీసెర్చ్‌కి 10 సంవత్సరాల కాలానికి లీజుకిచ్చినట్టు లైఫ్‌ సైన్స్‌ పార్కుల అభివృద్ధి కంపెనీ ఆర్‌ఎక్స్‌ ప్రొపెల్లెంట్‌ ప్రకటించింది. ఆర్‌ఎక్స్‌ ప్రొపెల్లెంట్‌.. హైదరాబాద్‌, ముంబై, బెంగళూరు నగరాల్లో సైన్స్‌ పార్క్‌లు అభివృద్ధి చేస్తోంది. జీనోమ్‌ వ్యాలీలోని నెక్స్టోపోలిస్‌ లైప్‌ సైన్స్‌ పార్క్‌లో 1.3 లక్షల చదరపు అడుగుల విస్తీర్ణం గల ప్రదేశాన్ని ఇంటిగ్రేటెడ్‌ కాంట్రాక్ట్‌ రీసెర్చ్‌ సంస్థ జీవీ రీసెర్చ్‌కి 10 ఏళ్ల కాలానికి లీజుకిచ్చామని, దీనిపై తమకు రూ.162 కోట్లు అద్దె ఆదాయం వస్తుందని ఆర్‌ఎక్స్‌ ప్రొపెల్లెంట్‌ సీఈఓ మిలింద్‌ రవి చెప్పారు.