హెచ్‌పీసీఎల్‌ లాభంలో భారీ వృద్ధి

న్యూఢిల్లీ: ఆయిల్‌ మార్కెటింగ్‌ కంపెనీ హెచ్‌పీసీఎల్‌ డిసెంబరు త్రైమాసికంలో స్టాండ్‌ అలోన్‌ ప్రాతిపదికన రూ.529.02 కోట్ల నికరలాభం ఆర్జించింది. గత ఏడాది ఇదే కాలంలో ఆర్జించిన రూ.172.43 కోట్లతో పోల్చితే లాభం మూడింతలు పెరిగింది. శక్తివంతమైన మార్కెటింగ్‌ మార్జిన్లు ఇన్వెంటరీ నష్టాల ప్రభావాన్ని తగ్గించాయి కంపెనీ తెలిపింది. అంతర్జాతీయ విపణిలో క్రూడాయిల్‌ ధరలు తగ్గినా 21 నెలలుగా రిటైల్‌ ధరలను స్తంభింప చేయడం మార్కెట్‌ మార్జిన్లు పెరగడానికి దోహదపడింది. కంపెనీ ఆదాయం మాత్రం గత ఏడాది తరహాలోనే రూ.1.18 లక్షల కోట్ల వద్ద స్ధిరంగా ఉంది.