ప్రతిష్ఠాత్మక బ్రాండ్స్‌ ఆఫ్‌ ఆసియాలో ‘అమరాన్‌’కు చోటు

హైదరాబాద్‌: అమరాన్‌ బ్రాండ్‌ ఆటోమోటివ్‌ బ్యాటరీలకు అంతర్జాతీయ గుర్తింపు దక్కింది. అమర రాజా ఎనర్జీ అండ్‌ మొబిలిటీ (ఏఆర్‌ఈ అండ్‌ ఎం) కంపెనీ తయారు చేసే ఈ బ్యాటరీల బ్రాండ్‌కు ‘ప్రిస్టేజియస్‌ బ్రాండ్స్‌ ఆఫ్‌ ఆసియా 2023-24’ గుర్తింపు లభించింది. దుబాయ్‌లో హెరాల్డ్‌ గ్లోబల్‌ అండ్‌ బార్క్‌ ఆసియా నిర్వహించిన గ్లోబల్‌ బిజినెస్‌ సింపోజియంలో ఆటోమేటివ్‌ బ్యాటరీల విభాగంలో అమరాన్‌కు ఈ గుర్తింపు లభించింది. ఇదే సదస్సులో ఏఆర్‌ఈ అండ్‌ ఎం ఎగ్జిక్యూటివ్‌ డైరెక్టర్‌ హర్షవర్థన గౌరినేనిని మార్కెటింగ్‌ మీస్టర్‌, 2023-24 అవార్డుతో సత్కరించారు.