అలువాల గ్రామంలో 11 నెలల బాలుడికి డెంగీ
ABN , Publish Date - Mar 28 , 2024 | 12:07 AM
మండల పరిధిలోని అలువాల గ్రామంలో 11 నెలల బాలుడు మోక్షిత్కు డెంగీ వ్యాధి సోకినట్లు మలేరియా సబ్ యూనిట్ అధికారి సాయిబాబ తెలిపారు.
గోనెగండ్ల, మార్చి 27: మండల పరిధిలోని అలువాల గ్రామంలో 11 నెలల బాలుడు మోక్షిత్కు డెంగీ వ్యాధి సోకినట్లు మలేరియా సబ్ యూనిట్ అధికారి సాయిబాబ తెలిపారు. గ్రామంలో బుధవారం పలు వీధుల్లో మురికి కాలువలను శుభ్రం చేసి దోమల మందును పిచికారి చేశారు. ఎక్కువ రోజులు నిలువ ఉంచుకున్న నీటిని పారబోశారు. ఈ సందర్భంగా సాయిబాబ మాట్లాడుతూ మోక్షిత్ కర్నూలు నగరంలోని ప్రభుత్వ ఆసుపత్రిలో చికిత్స పొందుతున్నాడని తెలిపారు. పీహెచ్సీ సూపర్వైజర్ సుధాకర్, ఏఎన్ఎంలు, ఆశా వర్కర్లు పాల్గొన్నారు.