MLA KTR: 20 ఏళ్ల నాటి అన్‌సీన్ ఫోటో షేర్ చేసిన కేటీఆర్.. భార్యకు పెళ్లి రోజు శుభాకాంక్షలు

BRS Working President KTR: తెలంగాణ మాజీ మంత్రి, బీఆర్ఎస్ పార్టీ వర్కింగ్ ప్రెసిడెంట్ కేటీఆర్ ట్విటర్ మాధ్యమంగా తన భార్య శైలిమకు 20వ వివాహ వార్షికోత్సవ శుభాకాంక్షలు తెలిపారు. గత రెండు దశాబ్దాలుగా వెన్నుముకలాగా తనకు మద్దతుగా నిలుస్తూ.. ఈ ప్రయాణంలో గొప్ప భాగస్వామిగా నిలిచినందుకు, ఇద్దరు అందమైన పిల్లల్ని ఇచ్చినందుకు కృతజ్ఞతలు తెలిపారు. తమ ప్రయాణం ఇలాగే కలకాలం సాగాలని కోరుతున్నానని పేర్కొన్నారు.

‘‘నా అందమైన భార్య శైలిమకు 20వ వివాహ వార్షికోత్సవ శుభాకాంక్షలు. గత రెండు దశాబ్దాలుగా నాకు మద్దతుగా నిలిచినందుకు, నాకు ఇద్దరు అందమైన పిల్లలు ఇచ్చినందుకు, ఈ ప్రయాణంలో గొప్ప భాగస్వామిగా ఉన్నందుకు ధన్యవాదాలు. మన బంధం ఇలాగే కొనసాగాలని కోరుతూ..’’ అంటూ కేటీఆర్ తన ఎక్స్ ఖాతాలో ట్వీట్ చేశారు. ఈ సందర్భంగా.. 20 ఏళ్ల నాటి తన పెళ్లి ఫోటోతో పాటు పిల్లలతో కలిసి దిగిన మరొక ఫోటోను ఆయన షేర్ చేశారు.