పంచాయతీరాజ్‌లో తాత్కాలిక బదిలీలపై కసరత్తు

హైదరాబాద్‌, జూన్‌ 9 (ఆంధ్రజ్యోతి): ఈ ఏడాది అసెంబ్లీ ఎన్నికల నేపథ్యంలో ఎన్నికల ప్రక్రియ ముగిసే వరకు ఆయా విభాగాల అధికారులను ఇతర చోట్లకు బదిలీ చేయాలన్న కేంద్ర ఎన్నికల సంఘం ఆదేశం మేరకు తాత్కాలిక బదిలీలపై పంచాయతీరాజ్‌ శాఖ కసరత్తు చేపట్టింది. జిల్లాల వారీగా బదిలీ చేయాల్సిన ఆయా విభాగాల అధికారుల జాబితాలతో ప్రతిపాదనలు పంపాలని పంచాయతీరాజ్‌, గ్రామీణాభివృద్ధి శాఖ డైరెక్టర్‌ ఎం.హన్మంతరావు శుక్రవారం కలెక్టర్లకు సూచించారు. ఈమేరకు జడ్పీ సీఈవో, డిప్యూటీ సీఈవో, డీఆర్‌డీవో, జిల్లా పంచాయతీ అధికారులు, ఎంపీడీవోల పేర్లు, ఇతర వివరాలతో తాత్కాలిక బదిలీల కోసం ప్రతిపాదనలు పంపాలని పేర్కొన్నారు.